6 shíldede Almatyda Ūlttyq dombyra kúníne arnalǵan merekelík kontsert ótedí. Sahnada estrada jūldyzdary, tanymal dombyrashylar jáne dástúrlí ánshíler óner kórsetedí. Kontsert Abaı alańynda, Respublıka saraıynyń aldynda ūıymdastyrylady.
Merekelík baǵdarlamaǵa Qazaqstannyń halyq artısí Roza Rymbaeva, Qazaqstannyń halyq artısí Aıgúl Úlkenbaeva, Qazaqstannyń halyq artısí Aıgúl Qosanova, Qazaqstannyń halyq artısí Ramazan Stamǵazıev, Qazaqstannyń eńbek síńírgen qaıratkerí, «MuzART» tobynyń múshesí Meırambek Besbaev, Qazaqstannyń eńbek síńírgen qaıratkerí, dombyrashy-vırtuoz Asylbek Eńsepov, sondaı-aq, tanymal ánshí Móldír Áuelbekova, «Qońyr» jáne «Ulytau» toptary, «Sazgen sazy» folklorly-etnografıyalyq ansamblí, «Alatau» dástúrlí óner teatrynyń artısterí qatysady.
Qala tūrǵyndary men qonaqtaryna 17:00 men 21:00 aralyǵynda el súıíp tyńdaıtyn kúıler men termeler, halyq ánderí men elímízdíń baı ruhanı mūrasyn dárípteıtín shyǵarmalar ūsynylady. Būl kontsert ūlttyq muzyka men dástúrlí ónerge degen tereń qūrmettíń aıqyn kórínísíne aınalmaq. Kíru tegín.
Aıta keteıík, Ūlttyq dombyra kúní jyl saıyn shíldeníń alǵashqy jeksenbísínde atalyp ótedí.