Almaty qalasy ákímdígíníń qoldauymen 18 shílde, senbí kúní Summer Relay jazǵy keshkí estafetasy ótedí. Bıyl jarys alǵash ret qalanyń tarıhı ortalyǵy arqyly ótetín jańa baǵytta ūıymdastyrylady, – dep habarlaıdy aqshamnews.kz tílshísí.
Osyǵan baılanysty qalanyń bírqatar ortalyq kóshesínde kólík qozǵalysyna uaqytsha shekteu engízíledí.
Jarystyń sóresí men máresí «Astana» alańy. Estafeta baǵyty Tóle bı, Qabanbaı batyr, Panfılov kóshelerí jáne Abylaı han dańǵyly arqyly ótedí. Bes adamnan tūratyn komandalar jalpy ūzyndyǵy 10 shaqyrym bolatyn estafetalyq qashyqtyqty baǵyndyrady. Al jas qatysushylar úshín 500, 1000 jáne 2000 metr qashyqtyqtarǵa júgíru jarystary ūıymdastyrylady.
Jarys baǵyty Tóle bı, Qabanbaı batyr, Panfılov kóshelerí men Abylaı han dańǵyly arqyly ótedí. Qatysushylar Qazaqstan Jazushylar odaǵynyń ǵımaraty, Qūrmanǵazy atyndaǵy Qazaq ūlttyq konservatorıyasy, «Almaty» qonaq úıí, Jambyl Jabaev eskertkíshí, Abaı atyndaǵy Qazaq memlekettík akademıyalyq opera jáne balet teatry, sondaı-aq Temírbek Júrgenov eskertkíshíníń janynan júgíríp ótedí.
Jarysqa baılanysty kólík qozǵalysyna mynadaı uaqytsha shekteu engízíledí:
18 shílde saǵat 09:00-den 19 shílde saǵat 06:00-ge deıín – Tóle bı kóshesínde (Panfılov kóshesínen Abylaı han dańǵylyna deıín);
18 shílde saǵat 20:00-den 23:00-ge deıín – Abylaı han dańǵylynda (Tóle bı kóshesínen Qabanbaı batyr kóshesíne deıín);
18 shílde saǵat 20:00-den 23:00-ge deıín – Qabanbaı batyr kóshesínde (Abylaı han dańǵylynan Nazarbaev dańǵylyna deıín);
18 shílde saǵat 20:00-den 23:00-ge deıín – Panfılov kóshesínde (Qabanbaı batyr kóshesínen Tóle bı kóshesíne deıín).
Uaqytsha shekteuler jarystyń qauípsíz ótuín qamtamasyz etu jáne qatysushylardyń qashyqtyqty kedergísíz eńseruí úshín engízíledí.
Márege jetken barlyq qatysushyǵa estelík medal tabystalady. Ár sanat boıynsha júldeger atanǵan komandalar músínshelermen jáne seríktesterdíń syılyǵymen marapattalady. Al PRO jáne Business sanattarynyń jeńímpazdaryna aqshalaı sertıfıkat beríledí.
Jarys baǵdarlamasy saǵat 18:00-de balalar jarysymen bastalady. Saǵat 20:00-de 2 shaqyrymdyq júgíru, al 21:00-de Summer Relay negízgí estafetasy ótedí.
Ís-sharany Almaty qalasy ákímdígíníń qoldauymen «Bírínshí bolu batyldyq» korporatıvtík qory, Krida fıtnes-kluby jáne akademık Sh. Esenov atyndaǵy ǵylymı-bílím beru qory ūıymdastyrady.
Ūıymdastyrushylar qala tūrǵyndary men qonaqtaryna kólík qozǵalysyna engízíletín uaqytsha shekteudí eskeríp, baǵytyn aldyn ala josparlauǵa keńes beredí.