Óńírlík kommunıkatsıyalar qyzmetí alańynda Almaty qalasynyń Sport basqarmasynyń basshysy Darhan Nūrhanūly dene shynyqtyru men sportty damytu boıynsha ístelíp jatqan jūmysty, būqaralyq sporttyq jobalardyń qalaı júzege asyp jatqanyn, almatylyq sportshylardyń jetístígí men qalanyń sporttyq ınfraqūrylymyn damytu josparlary turaly bayandady.
Būqaralyq sporttyń damuy men halyqtyń qamtyluynyń artuy
2025 jyldyń qorytyndysy boıynsha Almatyda dene shynyqtyrumen jáne sportpen júıelí túrde aınalysatyn tūrǵyndar sany edáuír ósken. 2024 jylmen salystyrǵanda būl kórsetkísh 40%-dan 42%-ǵa deıín ósíp, 955 myń adamǵa jetíp otyr, onyń 325 myńy – balalar eken. Osylaısha, qala Turızm jáne sport mınıstrlígí belgílegen ındıkatorǵa qol jetkízdí.
2025 jyldyń basynan berí Almatyda 3 000-nan astam sporttyq-būqaralyq ís-shara ótíp, ol 380 myńnan astam adamdy qamtyǵan. Qala tūrǵyndary belsendí bolyp, dene shynyqtyruǵa den qoya bastaǵan.
Halyqaralyq turnırler mene studenttík sport
2025 jyly Almaty 35 írí halyqaralyq sporttyq jarys óttí.
Olardyń qatarynda Almaty Marathon, ATP-250 Almaty Open, ústel tennısínen WTT Contender, shahmattan álem chempıonaty, dzyudodan Azıya kubogy men basqa da bedeldí jarystar bar.
Mańyzdy jańalyqtyń bírí – 2025 jyly alǵash ret íske asyrylǵan studenttík lıga. Jobaǵa 35 joǵary oqu orny, 108 komanda men shamamen 1 500 student qatysty. Jarys futbol, voleıbol jáne basketbol boıynsha ótíp jatyr, bıyldan bastap baǵdarlamaǵa jeńíl atletıka da endí.
Balalar sporty men futboldy damytu
2023 jyldan berí júzege asyrylyp kele jatqan «Balalar Futbol Lıgasy» jobasy da jūmysyn jalǵastyryp jatyr. Qazír lıga 320 komanda men 7–15 jas aralyǵyndaǵy 8 myńnan astam balanyń basyn qosqan. Būl joba qaladaǵy sport mektepterí men akademıyalardyń daryndy jas futbolshylardy íríkteıtín alańyna aınaldy.
Halyqaralyq ımıdj ben írí ís-sharalar
Ótken jyl Almatynyń halyqaralyq ımıdjín nyǵaıtu tūrǵysynan da mańyzdy boldy. «Qaırat» futbol kluby UEFA Chempıondar lıgasynyń toptyq kezeńíne shyqsa, «Qaırat» futzal kluby turnırdíń 1/4 fınalyna deıín jettí. Qalanyń Ortalyq stadıonynda Chempıondar lıgasynyń matchtary, sondaı-aq álemdík jūldyzdardyń kontsertterí óttí. Būl Almatynyń halyqaralyq ís-sharalar ótkízuge daıyn ekenín kórsettí.
Áleumettík jobalar men qysqy ınfraqūrylym
Ótken jyldyń qarasha aıynan bastap qalada «Sport – dostyq alańy» jobasy júzege asyryla bastady. Ekí aı íshínde Almatynyń barlyq audanynda 86-dan astam ís-shara ótíp, shamamen 7 500 tūrǵyndy qamtydy.
2025–2026 jyldardaǵy qysqy mausymda Almatyda qalanyń segíz audanynda ornalasqan 21 mūz aıdyny anyqtaldy. Onyń íshínde 11 ashyq áleumettík mūz aıdyny men ınvestorlar esebínen jūmys ísteıtín 10 nysan bar.
Sóz sońynda Darhan Nūrhanūly būqaralyq sportty damytu, kásíbı sportshylardy qoldau men qoljetímdí sporttyq ınfraqūrylym qalyptastyru Almaty qalasy Sport basqarmasynyń basty míndetí bolyp qala beretínín atap óttí.