Almatyda alaıaqtardyń nómirlerdi aýystyrý úshin paıdalanatyn taǵy bir «Sim-Box» jabdyǵy anyqtaldy, dep habarlaıdy aqshamnews.kz
Báıterekov kóshesindegi páterde júrgizilgen jedel is-sharalar barysynda Reseı Federasıasynyń 18 jastaǵy azamatynan «Sim-Box», qazaqstandyq uıaly baılanys operatorlarynyń 300-den astam sım-kartasy jáne basqa da jabdyqtar tárkilendi.
Atalǵan fakti boıynsha 5 jylǵa deıin bas bostandyǵynan aıyrý jazasy belgilengen Qazaqstan Respýblıkasy Qylmystyq kodeksiniń 213-baby (Abonenttik qurylǵynyń sáıkestendirý kodyn ózgertýge arnalǵan baǵdarlamalardy quqyqqa syıymsyz paıdalaný) boıynsha sotqa deıingi tergep-tekserý bastaldy.
«Sim-Box» jabdyǵy qylmystyq maqsatta telefon qońyraýlaryn jappaı jasaý, taratýlardy jiberý jáne abonenttik nómirlerdi aýystyrý úshin keńinen qoldanylady.