Almatyda “Zamanauı qoǵamdyq qūndylyqtar júıesí: basymdyqtar men damu keleshegí” atty dóńgelek ústel ūıymdastyryldy, – dep habarlaıdy aqshamnews.kz tílshísí.
Bas qosuǵa Almaty qalasy ákímíníń orynbasary Abzal Núkenūly, zıyaly qauym ókílderí, belgílí qoǵam qaıratkerlerí, ǵalymdar, sarapshylar jáne qoǵamdyq keńes múshelerí, sondaı-aq dínı ūıymdarynyń ókílderí qatysty. Ís-sharanyń basty maqsaty - qoǵamdyq qūndylyqtardy ǵylymı jáne sarapshylyq tūrǵydan zerttep qana qoımaı, olardy qoǵamdyq sanaǵa síńírudíń tıímdí tetíkterín tabu, azamattyq qoǵam ınstıtuttarynyń osy baǵyttaǵy rólín aıqyndau boldy.
Jıyn barysynda Memleket basshysy aıqyndaǵan qoǵamdyq damudyń basty ıdeologıyalyq baǵdarlary - «Zań men tártíp» qaǵıdasy, «Adal azamat» tūjyrymdamasy, «Taza Qazaqstan» jalpyūlttyq bastamasy, Ádílettí Qazaqstan, patrıotızm men jauapkershílík, otbasylyq tárbıe syndy qūndylyqtar talqylandy.
«Almaty qashanda tūjyrymdar qalyptasatyn qala bolǵan. Sebebí ıntellektualdyq jaǵynan áleuetí óte joǵary. Megapolıste 100-den astam írgelí unıversıtter ornalasqan. Ekínshíden, būl jastar qalasy - 700 myńnan astam jas azamat tūrady. Ózderíńíz bílesízder, Memleket basshysy Qasym-Jomart Toqaev ūlttyq qūndylyqtarymyzdy qalyptastyru, ūlttyq bíregeılígímízdí nyǵaıtudyń basty tíregí — būl tarıhymyzda, tílímízde, mádenıetímíz ben saltymyzda ekenín aıryqsha kóńíl bólíp keledí. Bíz dástúrlí qūndylyqtarymyzdy qazírgí zamannyń úrdísterímen bíríktíruímíz kerek ekenín bílíp otyrmyz. Sondyqtan da bíz qoǵamdy jańa mádenıetke, sapaly qūndylyqtarǵa, ūlttyq sana men azamattyq jauapkershílíkke tárbıeleuge erekshe kóńíl bóluímíz kerek, - dedí Almaty ákímíníń orynbasary Abzal Núkenov.
Al Qazaqstan Jazushylar odaǵynyń tóraǵasy Mereke Qūlkenov qazaq halqynyń salt-dástúrí men ádet-ǵūrpyn ūlttyń ruhanı konstıtutsıyasyna teńedí. Onyń aıtuynsha, būl qūndylyqtar búgínde qoǵamdy ūıystyryp tūr árí memlekettíń zańdy tíregíne aınalǵan.
«Búgíngí bas qosuymyzdyń eldígímízdíń ruhanı tūtastyǵy men memlekettílík sanasyn nyǵaıtu úshín mańyzy óte zor. Ūly dalanyń tarıhı sabaqtastyǵy konstıtutsıyalyq qūndylyqtar arqyly Táuelsíz Qazaqstannyń ruhanı, tarıhı jáne qūqyqtyq negízderín kúsheıtetín asa mańyzdy másele. Bízdíń ūlttyq bolmysymyz, tílímíz, dínímíz jáne dástúrlí qūndylyqtarymyz memlekettíń qorǵauyndaǵy basty baılyq. Qazaq halqynyń san ǵasyrlyq salty, dástúrí men ádet-ǵūrpy — ūlttyń ruhanı konstıtutsıyasy íspettí. Úlkenge qūrmet kórsetu, kíshíge ízet bíldíru, ata-anany ardaqtau, aqsaqaldyń batasyn alu, paryzdy júkteu, úlkenníń aldyn kesíp ótpeu, qonaqty tórge shyǵaru, sózge toqtau, jetí atasyn bílu, tuǵan jerín qasıetteu — halqymyzdyń tárbıelílígíníń altyn ózegí. Būl qūndylyqtar ūltty ūıystyrady, qoǵamdaǵy taptyq pen kelísímdí saqtaıdy», - dedí Mereke Qūlkenov.
Dóńgelek ústelde Fılosofıya, sayasattanu jáne díntanu ınstıtuttyń dırektory Aıgúl Sáduaqasova «Adal azamat» qaǵıdasyna toqtalyp, onyń mańyzdylyǵy turaly sóz qozǵady. Onyń aıtuynsha, būl qaǵıda búgínde íshkí moraldyq motıvatsıyaǵa negízdelgen tūlǵanyń zamanauı modelín bíldíredí.
«Onyń basty maqsaty — adaldyqty, jauapkershílíktí, zańdy qūrmetteudí jáne qoǵamdyq ıgílíkke qyzmet etudí basshylyqqa alatyn azamatty tárbıeleu», - dedí Aıgúl Sáduaqasova.
Sonymen qatar, ol «Adal azamat» qaǵıdasy qazaq fılosofıyasynyń ıntellektualdy mūrasyna, sonyń íshínde Abaıdyń «Tolyq adam» ílímíne súıenetínín atap óttí.