Almatyda samokat mingen eki er adam jolǵa syımaı, tóbelesip qaldy. Jelide oqıǵanyń vıdeosy tarady, - dep habarlaıdy Aqshamnews.kz tilshisi.
Oqıǵaǵa qatysty ne belgili?
Samokat mingenderdiń tóbelesi túsirilgen vıdeo áleýmettik jelilerde paıda boldy. Onda eki er adam jaıaý júrginshiler jolynda bir-birimen soǵylyp qala jazdaǵany kórinedi. Oqıǵa janjalǵa ulasyp, keıin er adamdar judyryqtasyp ketedi.
Polısıa pikiri
Almaty Polısıa departamenti janjaldasqandar izdestirilip jatqanyn aıtty.
"Jaıaý júrginshiler jolynda tóbeleskender ustalyp, zańnyń qatań talabyna sáıkes jaýapqa tartylady. Árqaısynyń áreketine quqyqtyq baǵa beriledi. Mundaı tártipbuzýshylyqtarǵa jol berýge bolmaıdy dep sanaımyz", – dep málimdedi polısıa ókilderi.
Eske salaıyq, 11 qyrkúıekte Almatyda qazannyń aıaǵyna deıin elektrsamokattarǵa arnalǵan pılot turaqtar iske qosylatyny belgili boldy.