Almatyda sot sheshímímen búgín Ońdasynov kóshesí, 37/12 mekenjaıynda ornalasqan qūrylys nysany sot oryndaushylarynyń qatysuymen būzyla bastady.
Būl turaly Almatynyń Qala qūrylysyn baqylau basqarmasy habarlady.
Jartylaı salynǵan qūrylys nysany bírneshe jyl boıy qarausyz qalǵan. Tekserís nátıjesínde ǵımarattyń qatty tozǵany, korrozıyaǵa ūshyraǵany anyqtalyp, ony būzu qajet degen sheshím qabyldanǵan.
Būǵan deıín basqarma tarapynan menshík ıesíne (jeke tūlǵa) kúrdelí píshíndegí temírbeton qūrylymyn būzu arqyly anyqtalǵan zańbūzushylyqtardy joyu jónínde nūsqama berílgen bolatyn.
Alaıda nūsqamada kórsetílgen talaptar oryndalmaǵandyqtan, 2024 jyly 29 qańtarda basqarma Bostandyq audandyq sotyna májbúrlep oryndatu turaly talap aryz joldaǵan.
2024 jyly 27 mamyrda sot basqarmanyń talap aryzyn qanaǵattandyrdy. Sodan keıín ís Ádílet departamentíne oryndauǵa beríldí.