Saıran kóli mańaıyn kóriktendirý jobasy aıasynda eki ponton kópir ornatylǵan. Olar jaǵalaýlar arasynda qaýipsiz jáne yńǵaıly júrip ótýge múmkindik beredi. Qazirgi ýaqytta qurylymdar qysqy kezeńge jyl saıyn júrgiziletin konservasıa jáne sý deńgeıiniń tómendeýi sebepti ýaqytsha alynyp tastaldy. Bul týraly Almaty qalasynyń qoǵamdyq keńistikterdi damytý basqarmasynyń ókilderi aıtty.
Sý deńgeıi kelesi jyldyń kókteminde qalpyna kelgennen keıin ponton kópirler qaıta ornatylady. Qurylymdardyń tehnıkalyq jaramdylyǵyn saqtaý maqsatynda bul jumys jyl saıyn isteledi.
Sondaı-aq, «Saıran kóli mańaıyn kóriktendirý» jobasy aıasynda sý aıdynynda nımfeıa (lotos) ósimdikteri ósiriletin arnaıy baseın qalyptastyrý úshin temirbeton qurylym salynǵan. Kóldegi sýdyń tómendeýine baılanysty sý ósimdikteriniń tamyr júıesin jylytý jumysy júrgizildi. Bul qys mezgilinde olardyń saqtalýyn qamtamasyz etý maqsatyndaǵy shara.
Eger ósimdikter úsip ketse nemese jersinbese, olardy merdiger uıym kepildik mindettemesi aıasynda aýystyryp beredi.