Saıran kólí mańaıyn kóríktendíru jobasy ayasynda ekí ponton kópír ornatylǵan. Olar jaǵalaular arasynda qauípsíz jáne yńǵaıly júríp ótuge múmkíndík beredí. Qazírgí uaqytta qūrylymdar qysqy kezeńge jyl saıyn júrgízíletín konservatsıya jáne su deńgeıíníń tómendeuí sebeptí uaqytsha alynyp tastaldy. Būl turaly Almaty qalasynyń qoǵamdyq keńístíkterdí damytu basqarmasynyń ókílderí aıtty.
Su deńgeıí kelesí jyldyń kóktemínde qalpyna kelgennen keıín ponton kópírler qaıta ornatylady. Qūrylymdardyń tehnıkalyq jaramdylyǵyn saqtau maqsatynda būl jūmys jyl saıyn ísteledí.
Sondaı-aq, «Saıran kólí mańaıyn kóríktendíru» jobasy ayasynda su aıdynynda nımfeya (lotos) ósímdíkterí ósíríletín arnaıy basseın qalyptastyru úshín temírbeton qūrylym salynǵan. Kóldegí sudyń tómendeuíne baılanysty su ósímdíkteríníń tamyr júıesín jylytu jūmysy júrgízíldí. Būl qys mezgílínde olardyń saqtaluyn qamtamasyz etu maqsatyndaǵy shara.
Eger ósímdíkter úsíp ketse nemese jersínbese, olardy merdíger ūıym kepíldík míndettemesí ayasynda auystyryp beredí.
