Almaty qalasynyń prokuraturasy halyqtyń qūqyqtyq sauattylyǵyn arttyruǵa baǵyttalǵan «Qūqyqtyq dáríhana» áleumettík jobasynyń bastalǵanyn habarlaıdy.
Bastama 2025-2030 jyldarǵa arnalǵan qoǵamda Zań men Tártíp ıdeologıyasyn nasıhattau tūjyrymdamasy ayasynda júzege asyrylady, dep habarlaıdy aqshamnews.kz.
Joba azamattar kóp jınalatyn qalanyń sauda ortalyqtarynda kóshíp-qonyp keńes beretín bólímderdí ūıymdastyrudy kózdeıdí.
Osy aptada 11.06.2025 jyldan bastap «Qūqyqtyq dáríhana» Almatydaǵy úsh sauda jáne oıyn-sauyq ortalyǵynda jūmysyn bastaıdy:
- «Dostyk Plaza» sauda ortalyǵy (Samal-2 shaǵyn audany, 111),
- «Grand Park» sauda ortalyǵy (Qabdolova k-sí, 1),
- «MEGA Alma-Ata» sauda ortalyǵy (Rozybakıeva k-sí, 263).
Jūmys kestesí: ár sársenbí, beısenbí, jūma 17:00-den 20:00-ge deıín.
Joba ayasynda prokurorlar azamattardy alańdatatyn máselelerdí túsínuge kómektesíp, ís-áreket algorıtmí men ótíshterdí baǵyttauǵa tíkeleı keńes beredí. Azamattar qalasa jazbasha shaǵymdar men ótíníshter qaldyra alady.
«Qūqyqtyq dáríhana» maqsaty - adamdarǵa, ásírese memlekettík organdarǵa sırek júgínetín, qūqyqtyq baǵytta qıyndyqtarǵa nemese ártúrlí organdardyń áreketsízdígíne tap bolǵan adamdarǵa jaqyn bolu.
Joba bír aı íshínde júzege asyrylady, sonymen qatar halyqtyń qaıtalanatyn qūqyqtyq máselelerí boıynsha analıtıkalyq derekter jınalady.