«Green Recycle» JShS qoqys sūryptau kesheníníń aumaǵynda Almatynyń Alatau audanynda qatty tūrmystyq qaldyqty shyǵaru úshín 50 jańa mamandandyrylǵan avtokólíktí beru rásímí óttí. Ís-sharaǵa Qazaqstan Respublıkasynyń Ekologıya jáne tabıǵı resurstar mınıstrí Erlan Nysanbaev pen Almaty qalasynyń ákímí Darhan Satybaldy qatysty.
Tehnıkany beru rásímí qorshaǵan ortanyń sapasyn jaqsartuǵa jáne tazalyq mádenıetín damytuǵa baǵyttalǵan «Taza Qazaqstan» respublıkalyq ekologıyalyq bastamasy ayasynda óttí. Joba «Jasyl damu» AQ jáne «Aq Tártíp» JShS-men bírlesíp júzege asyryluda jáne Almatyda qaldyqpen jūmys ísteudíń barlyq júıesín jańǵyrtudy kózdeıdí.
Jańa tehnıka qaldyq shyǵarudyń tıímdílígín qamtamasyz etedí, qaladaǵy sanıtarlyq standartty arttyrady. Avtopark JAC N200 markaly zamanauı mashınalarmen tolyqty. Tehnıka kran-manıpulyatorlyq qondyrǵylarmen jabdyqtalǵan jáne qala jaǵdaıyna beıímdelgen. Osynyń arqasynda kásíporyn qaldyq shyǵarudyń júıelílígí men sapasyn arttyryp, kommunaldyq qyzmet salasynda 50-ge juyq jańa jūmys ornyn asha alady.
Jobany qarjylandyru «Jasyl damu» AQ arqyly jyldyq 3%-ben 7 jylǵa deıíngí merzímmen berílgen «Ónerkásíptí damytu qory» AQ-nyń jeńíldetílgen qaryzy esebínen júzege asyryldy. Qarjy kádege jaratu tólemíníń tetígí ayasynda bólíngen.
Ekologıya mınıstrí Erlan Nysanbaev Almatynyń memlekettík qoldaudy tıímdí paıdalanuda úlgí kórsetíp otyrǵanyn atap óttí.
Almaty ákímí Darhan Satybaldy būl ís-shara shahardaǵy qaldyqty basqarudyń ekologıyalyq qauípsíz árí tıímdí júıesí men jaıly qalalyq ortany qūru jolyndaǵy mańyzdy qadam bolǵanyn atap óttí.
«Almatyda QTQ jınau úshín ınfraqūrylymdy jańǵyrtu jūmystary júıelí túrde júrgízílíp jatyr. Bíz mamandandyrylǵan tehnıkanyń sanyn dáıektí túrde arttyramyz, konteınerlík alańdardy jańartamyz, bólek jınau júıesín engízemíz. Jańa tehnıkany beru qaladaǵy sanıtarlyq jaǵdaıdy jaqsartuǵa jáne jasyl ekonomıkany odan árí damytuǵa qomaqty úles», - dedí Darhan Satybaldy.
Tehnıkany beru rásímnen keıín ís-sharaǵa qatysushylar Almatyda qūrylǵan tígínen ıntegratsıyalanǵan QTQ basqaru konsortsıumyna kíretín «Green Recycle» JShS qoqys sūryptau kesheníníń jūmysymen tanysty. 2018 jyly paıdalanuǵa berílgen zauyt zamanauı ıtalyandyq jabdyqta táulígíne 1500 tonnaǵa deıín qaldyqty sūryptaı alady. Kásíporynda 650-den astam adam jūmys ísteıdí.