QR Tótenshe jaǵdaılar mınıstrligi kúshterimen Almaty qalasyndaǵy Soltústik aınalma tasjolynda ornalasqan qoımadaǵy órt 1900 sharshy metr aýmaqta tolyqtaı sóndirildi, - dep habarlaıdy Aqshamnews.kz.
Alǵashqy órt sóndirý bólimsheleri oqıǵa ornyna kelgen kezde qoıma ǵımaratynda ashyq jalynmen órt bolyp jatqany anyqtalǵan.
Órtti sóndirý jumystary joǵary shaqyrtý deńgeıi boıynsha júrgizildi. Oqıǵa ornynda órt sóndirý shtaby qurylyp, sóndirýge jeke quramnan 85 adam men 22 tehnıka jumyldyryldy.
Órt aýmaǵynda úsh jaýyngerlik ýchaske uıymdastyrylyp, sóndirý jumystaryna TJM-niń avtopoezy tartyldy.
Órtti sóndirý ǵımarattyń qurylymdyq erekshelikteri men órt júktemesiniń joǵary bolýyna baılanysty kúrdelene túsken.
Saǵat 02:11-de órttiń oqshaýlanǵany týraly habar tústi. Órt sóndirýshilerdiń úılesimdi ári jedel áreketteriniń arqasynda jalynnyń jaqyn mańdaǵy ǵımaratqa taralýyna jol berilmedi.