Qar tazalaý jumystaryna 17 merdiger uıym, myńǵa jýyq arnaıy tehnıka jáne 2 710 jumysshy jumyldyrylmaq, dep habarlaıdy aqshamnews.kz
Almaty komýnaldyq ınfraqurylym jáne turǵyn úı ınspeksıasy basqarmasynyń ókilderi habarlaýynsha, qystyń bastalýymen komýnaldyq tehnıka maýsymdyq rejımge beıimdelip, qaıta jaraqtandyrylady.
Arnaıy mashınalarǵa qum-tuz qospasyn sebetin qondyrǵylar, qar tazalaıtyn soqaly-shetkaly jabdyq jáne jol men trotýardy qar men kóktaıǵaqtan tazartýǵa qajetti ózge de qural-jabdyqtar ornatylady.
Ákimdiktiń komýnaldyq qyzmeti kúsheıtilgen daıyndyq tártibine kóship, kólik qozǵalysynyń qaýipsizdigin qamtamasyz etý, jolda kóliktiń kedergisiz júrýin qamtamasyz etý jáne qala turǵyndarynyń qysta emin-erkin júrýine jaǵdaı jasaý baǵytyndaǵy jumystaryn jandandyrady.
Daıyndyq barysynda merdigerler tehnıkaǵa tehnıkalyq tekseris pen jóndeý júrgizdi, 25 óndiristik baza men 23 qum qoımasyn ázirledi, qyzmetkerlerge arnalǵan ǵımarattardy jańǵyrtyp, qajetti materıaldar men qural-jabdyqtardy satyp aldy. Qar úıindilerin ýaqytsha jınaýǵa oryndar da belgilendi.