Sheteldegí referendum boıynsha alǵashqy dauys beru uchaskesí Tokıo qalasynda ashylady, – dep habarlaıdy aqshamnews.kz tílshísí.
Būl turaly Qazaqstan Syrtqy íster mınıstrlígíníń erekshe tapsyrmalar jóníndegí elshísí Erlan Álímbaev Ortalyq referendum komıssıyasynyń otyrysynda málímdedí.
Onyń aıtuynsha, Tayau Shyǵystaǵy jaǵdaıdyń shıelenísuíne baılanysty jáne qauípsízdík talaptaryn eskere otyryp, 10 eldegí 11 dauys beru uchaskesín qysqartu turaly sheshím qabyldanǵan.
- Qazírgí tańda Qazaqstannyń sheteldegí mekemelerí janynda 54 memlekette barlyǵy 71 uchaske jūmys ísteıdí. Shetelde dauys beruge qūqyly qazaqstandyqtardyń sany 14 230 adamdy qūraıdy. Búgínde Qazaqstannyń sheteldegí mekemelerí janynan referendum komıssıyalary qūrylǵan. Komıssıya músheleríníń barlyǵy zańnamany bílu deńgeıí boıynsha testíleuden ótken. Sondaı-aq ol barlyq uchaskeler jūmysqa daıyn. Aqparattyq materıaldar, referendum jáshíkterí men byulletender alynǵan. Erteńnen bastap olar dıplomatıyalyq kurerler arqyly sheteldegí uchaskelerge jíberíle bastaıdy. 2026 jylǵy referendum ayasynda sheteldegí dauys beru aldymen Japonıya elínde bastalady, – dedí Erlan Álímbaev.
Ortalyq saılau komıssıyasynyń tóraǵasy Nūrlan Ábdírov Qazaqstandaǵy keıbír dauys beru uchaskelerí ádettegíden erterek ashylatynyn aıtty.
- Elímíz boıynsha 92 uchaske tańǵy saǵat 06:00-de jūmysyn bastaıdy. Ádette būl áskerı bólímderde ornalasqan uchaskeler. Mūndaı rejımde jūmys ísteuge rūqsatty aumaqtyq komıssıyalar beredí, – dedí ol.