2026 jyldyń aqpan aıynda Elektrondy eńbek bırjasynda jūmys berushíler shamamen 99 myń bos jūmys ornyn jarıyalaǵan, – dep habarlaıdy aqshamnews.kz tílshísí.
Al jūmys ízdeushíler 124,9 myń túıíndeme ornalastyrǵan. Qańtar aıymen salystyrǵanda bos jūmys oryndarynyń sany 3,7%-ǵa azaıǵan.
Aımaqtar boıynsha
Óńírler arasynda eń kóp bos jūmys orny Pavlodar oblysynda tírkelgen — 8,1 myń. Odan keıín Astana qalasy (7,8 myń), Túrkístan oblysy (7,4 myń), Qaraǵandy oblysy (6,6 myń) jáne Almaty qalasy (6,3 myń) keledí.
Al jūmys ízdeushíler arasynda eń joǵary belsendílík Túrkístan oblysynda baıqalǵan — 16,8 myń túıíndeme nemese jalpy kórsetkíshtíń 13,4%-y. Odan keıín Astana qalasynyń tūrǵyndary 10,2 myń túıíndeme (8,2%) jarıyalaǵan.
Sondaı-aq Almaty oblysynda 9,5 myń (7,6%), Almaty qalasynda 9,2 myń túıíndeme (7,4%) tírkelgen.
Jas jáne genderlík kórsetkísh
Jas erekshelígí boıynsha eńbek naryǵynda eń belsendí top — 35 jasqa deıíngí jastar. Olar barlyq túıíndemeníń 42,3%-yn qūraıdy.
35–44 jas aralyǵyndaǵy azamattardyń úlesí 26,7%, 45–54 jas aralyǵyndaǵylar — 19,8%, al 55 jastan asqandar — 11,2%.
Genderlík tūrǵydan alǵanda, jūmys ízdeushíler arasynda áıelder sál basym. Olardyń úlesí 54,6% bolsa, erlerdíń úlesí 45,4% bolǵan.
Eń joǵary jalaqy
Aqpan aıynda jūmys berushíler ūsynǵan eń joǵary jalaqy mūnaı-gaz ken oryndaryn ıgeru jóníndegí ınjenerlerge tírkelgen — shamamen 3,6 mln teńge.
Sonymen qatar, qūrylys jobalarynyń bas tehnologtaryna shamamen 2,8 mln teńge, al materıaltanu tehnıkteríne 2,2 mln teńgege deıín jalaqy ūsynylǵan.
Al jūmys ízdeushíler arasynda eń joǵary jalaqyny ūshqyshtar sūraǵan — shamamen 3,3 mln teńge. Odan keıín ınvestıtsıyalyq jobalar dırektorlary (shamamen 2,1 mln teńge) jáne oqu kurstaryn ázírleushíler (shamamen 2 mln teńge) keledí.