Almatyda retsíz ornatylǵan jarnamalyq qūrylymdar men ǵımarattardyń kíreberísí men mańdaıshalaryn tártípke keltíru jūmystary kúsheıtíledí, dep habarlaıdy Aqshamnews.kz.
Qala ákímí Darhan Satybaldynyń aıtuynsha, mūndaı nysandar shahardyń sáulettík jáne estetıkalyq kelbetíne kerí áser etíp otyr.
Qoldanystaǵy dızaın-kod qalalyq keńístíktí bezendírudíń negízgí talaptaryn aıqyndaǵanymen, ony júzege asyru tetíkterí álí de jetíldírudí qajet etedí. Osyǵan baılanysty dızaın-kodtyń keıbír normalaryn qaıta qarap, zaman talabyna saı beıímdeu, sondaı-aq olardyń saqtaluyn baqylaudy kúsheıtu ūsynyldy.
Jūmys aldymen kórkeıtu júrgízílíp jatqan kóshelerden bastalyp, keıín kezeń-kezeńímen qalanyń barlyq aumaǵyn qamtıdy. Tıístí basqarmalar men audan ákímdíkteríne būl baǵyttaǵy jūmysty kúsheıtu tapsyryldy.