Prezıdent tapsyrmasyna sáıkes Almaty qalasyna jasaǵan sapary ayasynda Memleket basshysynyń keńesshísí Málík Otarbaev bílím salasynyń ókílderímen kezdestí.
Ís-shara Oqushylardyń ınnovatsıyalyq shyǵarmashylyq ortalyǵynda óttí, dep habarlaıdy aqshamnews.kz.
Kezdesuge Almaty qalasy Bílím basqarmasynyń qyzmetkerlerí, mektepke deıíngí jáne mektep ūıymdarynyń ókílderí qatysty. Olar Memleket basshysy Qasym-Jomart Toqaevtyń Ūlttyq qūryltaıdyń IV otyrysynda bergen tapsyrmalary ayasynda atqarylǵan jūmystar men aldaǵy josparlar turaly bayandady.
Atap aıtqanda, pedagogterdíń kásíbı deńgeıín arttyru maqsatynda júıelí jūmystar júrgízílude. Balalardy oqytu men tárbıeleudíń jańa formalary engízílude, ata-analarmen jáne qoǵamdyq qūrylymdarmen ózara baılanys nyǵaıyp keledí.
Bílím basqarmasynyń málímetínshe, mūǵalímderge arnalǵan 19 semınar-praktıkum jáne túrlí taqyrypta 300-den astam jınalys ūıymdastyrylǵan. Oqushylardy jan-jaqty damytu úshín tárbıe jūmysynda zańǵa, memlekettík rámízderge qūrmetpen qarau, otansúıgíshtík pen ekologıyalyq mádenıetke baulu baǵytyndaǵy ís-sharalar ótkízílíp jatyr.
Sabaqtan tys uaqytta oqushylarǵa áskerı-patrıottyq baǵytta bílím beru, ūlttyq sport túrleríne baulu, «Jas Sarbaz», «Smart Bala» jobalary ayasynda memlekettík organdarmen bírlesken jūmystar jalǵasuda. Sonymen qatar, qala mūǵalímderí arasynda shyǵarmashylyq baǵyttaǵy túrlí baıqaular men estafetalar ūıymdastyryluda.
Bílím salasynyń ókílderí Almatyda pedagogterge qoldau kórsetu jūmystarynyń kúsheıgenín atap óttí. Qala mektepterínde oqushylar tolyqqandy ystyq tamaqpen qamtylyp, mektep avtobustary tūraqty jūmys ísteude.
Óz sózínde Málík Otarbaev Memleket basshysynyń ūstazdar eńbegín árqashan qoldaıtynyn jáne būl baǵyttaǵy sayasat jalǵasatynyn aıtty.
– Ūstaz – árqashan qoǵamdaǵy mártebelí tūlǵa. Abaı atamyz aıtqandaı: «Adamnyń adamshylyǵy – jaqsy ūstazdan», – dedí Málík Otarbaev.
Prezıdent keńesshísí pedagogterdíń qoǵamdaǵy aıryqsha mıssıyasyn atap ótíp, olardyń eńbegí qazírgí jáne keler ūrpaq úshín asa mańyzdy ekenín jetkízdí. Ol ūstazdar elímízdíń adamı kapıtalynyń negízín qalyptastyryp jatqanyn erekshe atap óttí.
Sondaı-aq, spıker Prezıdent aıqyndaǵan basym baǵyttarǵa – qoǵamdy tsıfrlandyru, kólík-kommunıkatsıya salasyn, energetıka men auyl sharuashylyǵyn damytu qajettígíne toqtaldy.
– Búgíngí tańda ádílettí Qazaqstandy qalyptastyru úshín jastarǵa sapaly bílím beru, memlekettílíktí, el bírlígín jáne azamattyq yntymaqty saqtau – mańyzdy míndet, – dedí Málík Otarbaev.
Kezdesu sońynda ol bílím beru salasynyń qyzmetkerleríne tabys pen shabyt tíledí.