Almatyda Qazaqstan halqynyń bírlígí kúníne qarsańynda Mūhtar Áuezov atyndaǵy stadıonda «Bírlík – beıbítshílík besígí» atty patrıottyq shara ūıymdastyryldy, – dep habarlaıdy aqshamnews.kz tílshísí.
Būl turaly Medeu audany ákímdígíníń ókílderí aıtty.
Aktsıya ayasynda 6500 oqushy bír sapqa tūryp, beıbítshílík kógershíníníń beınesín jasady.
Ís-shara Ortalyq mádenıet jáne demalys sayabaǵy aumaǵynda ótíp, audan mektepteríníń oqushylaryn bír maqsatqa jūmyldyrdy.
«Bıíkten kóz salǵanda 6500 balanyń bír baǵytta úılesímdí áreket etuí erekshe qaldyrady. Būl bolashaǵymyzdyń berík írgetasy qalanyp jatqanyn kórsetedí. Bír maqsatqa jūmylǵan balalar meıírím men ózara qūrmettíń mańyzyn naqty íspen dáleldedí. Patrıotızmdí kúshtep qalyptastyru múmkín emes, ol júrekten tuyndauy kerek. Búgín árbír qatysushy bírlíktíń tírí belgísín jasaushylardyń bíríne aınaldy. Būl jaı ǵana fleshmob emes, būl jas ūrpaqtyń halyqtar dostyǵyn saqtauǵa degen ortaq ūstanymynyń kórínísí», – dedí Medeu audandyq bílím bólímíníń basshysy Aqnūr Nūralıeva.
Baǵdarlama barysynda etnomádenı bírlestíkter óner kórsetíp, túrlí halyqtyń bıí ūsynyldy.
Ís-sharanyń basty maqsaty — ūltaralyq kelísímdí nyǵaıtyp, jastar arasynda dostyq pen bírlík qūndylyqtaryn dárípteu.