Almatyda atmosferaǵa taralatyn zıyandy shyǵaryndylardyń basym bólígí avtokólíkterden keledí, – dep habarlaıdy aqshamnews.kz tílshísí.
Qaladaǵy jalpy lastanudyń shamamen 60%-y nemese jylyna 113 myń tonnaǵa juyǵy kólík úlesíne tıesílí. Būl turaly Óńírlík kommunıkatsıyalar qyzmetínde ótken brıfıngte qalalyq Ekologıya jáne qorshaǵan orta basqarmasynyń basshysy Serík Ádílbaev málímdedí.
Aglomeratsıya boıynsha jalpy shyǵaryndy kólemí 225 myń tonna shamasynda, onyń 189 myń tonnasy tíkeleı qala aumaǵyna tıesílí.
Lastanudyń ekínshí negízgí kózí — energetıka salasy (shamamen 24%), odan keıín bıznes nysandary men jeke sektor úlesí shamamen 16%.
Ekologıyalyq ahualdy jaqsartudaǵy negízgí baǵyttardyń bírí – gazdandyru. Qazírgí tańda jeke sektordyń 99,6%-y tabıǵı gazǵa qosylǵan. Sonymen qatar 2-JEO men 3-JEO-ny gazǵa kóshíru jūmystary júrgízílude. Būl jobalar 2027 jylǵa qaraı shyǵaryndylar kólemín 50 myń tonnadan 4 myń tonnaǵa deıín qysqartuǵa, yaǵnı 92%-ǵa tómendetuge múmkíndík beredí.
Jyl basynan berí qūzyrly organdar avtokólíkter men avtobus parkterín tekseríp, kommunaldyq tehnıkanyń ekologıyalyq talaptarǵa sáıkestígín baqylauda ūstap otyr.
Shaǵyn jáne orta bıznes te nazardan tys qalmaǵan: qaladaǵy qatty otyn paıdalanatyn 760 nysannyń 110-y 2026 jyldyń alǵashqy toqsanynda ekologıyalyq taza otynǵa kóshken nemese súzgí júıelerín ornatqan.
Jalpy qabyldanyp jatqan sharalar aua sapasyn jaqsartuǵa baǵyttalǵan. Aldaǵy uaqytta baqylau kúsheıtílíp, Almaty qalasynyń atmosferalyq auany qorǵau qaǵıdalary kezeń-kezeńímen engízíle beredí.