Almaty qalasy polıtsıya departamentínde Keńes áskerleríníń Auǵanstan jerínen shyǵarylǵanyna arnalǵan eske alu ís-sharasy óttí, – dep habarlaıdy Aqshamnews.kz Polisia.kz-ke sílteme jasap,
Jıynǵa departament basshylyǵy, jeke qūram, íshkí íster organdarynyń ardagerlerí, sondaı-aq qyzmettík míndetín atqaru kezínde qaza tapqan qyzmetkerlerdíń otbasy múshelerí qatysty. Jınalǵandar qaza bolǵandardy bír mınut únsízdíkpen eske alyp, memorıalǵa gúl shoqtaryn qoıdy. Ís-sharanyń mańyzdy bólígí retínde qatysushylar jańa vedomstvolyq "Ǵasyrlar mūrasy" muzeıín aralady. Muzeı ekspozıtsıyalarynda íshkí íster organdary tarıhynyń taǵylymdy betterí, arhıvtík qūjattar men el tynyshtyǵy jolynda janyn qıǵan qyzmetkerlerdíń ómír joly kórínís tapqan. Ís-shara barysynda Almaty qalasy polıtsıya departamentíníń bastyǵy Aıdyn Kabduldınov sóz sóılep, tarıhı jadyny saqtau men ūrpaqtar sabaqtastyǵynyń mańyzyn atap óttí.
– Áskerı jáne qyzmettík boryshyn abyroımen oryndaǵan áríptesterímízdí eske alu – ótkenge taǵzym ǵana emes. Būl – búgíngí polıtsıya qyzmetkerlerí úshín adamgershílík baǵdar. Olardyń erlígí, qaısarlyǵy jáne antqa adaldyǵy – naǵyz patrıotızm men qoǵam aldyndaǵy jauapkershílíktíń úlgísí, – dedí Aıdyn Kabduldınov.
Sondaı-aq departament basshysy qaza tapqan qyzmetkerlerdíń otbasylaryna alǵys bíldíríp, olarǵa qamqorlyq jasau vedomstvo úshín árdaıym basym baǵyt bolyp qala beretínín jetkízdí.
– Bíz soǵystan oralmaǵan jáne beıbít kúnde qūqyqtyq tártíptí qorǵau jolynda qaza bolǵan azamattardyń esímín ūmytpauǵa míndettímíz. Būl – bízdíń kásíbı árí adamı boryshymyzdyń negízí, – dep atap óttí Almaty qalasy polıtsıyasynyń basshysy.
Mūndaı taǵylymdy sharalar ūjymdyq ruhty nyǵaıtyp, qyzmet tarıhyna degen qūrmettí arttyrady jáne jas buyn qyzmetkerlerdí zańǵa, Otanǵa adal qyzmet etu ruhynda tárbıeleuge yqpal etedí.
