Tíntu barysynda 2 myltyq, karabın, gaz tapanshasy jáne oq-dáríler tárkílendí, dep habarlaıdy aqshamnews.kz tílshísí.
ÍÍM bopsalau, qorqytu jáne qūqyq qorǵau organdary qyzmetkerleríníń mártebesín zańsyz paıdalanu faktíleríne baılanysty qylmystardyń jolyn kesu boıynsha júıelí jūmysty jalǵastyryp jatyr.
Almatyda ózderín ūıymdasqan qylmysqa qarsy kúres basqarmasynyń qyzmetkerlerí retínde tanystyryp, qaru qoldanyp, megapolıs tūrǵynynan aqsha talap etken adamdar ūstaldy.
Atap aıtqanda, 10 tamyzda bír top adam aldyn ala sóz baılasyp, jábírlenushíníń sońynan ańdyǵan. Ózderín polıtsıya qyzmetkerlerí retínde tanystyryp, tapanshamen qorqytyp, ony kólíkke otyruǵa májbúrlegen jáne qala syrtyna alyp ketken. Olar qysym kórsetíp jábírlenushíní tuysyna qońyrau shaluǵa májbúrlegen. Osylaısha tuysy olar kórsetken nómírge 3 mln teńge audarǵan.
Osy auyr qylmysty jasaǵany úshín ūıymdasqan qylmysqa qarsy kúres basqarmasynyń qyzmetkerlerí būryn sottalǵan tórt adamdy ūstady. Olardyń bíreuí būǵan deıín adam óltírgení úshín jazasyn ótegen. Barlyǵy uaqytsha ūstau ızolyatoryna qamaldy.
Tíntu barysynda 2 myltyq, karabın, gaz tapanshasy jáne oq-dáríler tárkílendí. Tergeu amaldary jalǵasyp jatyr.
Osyǵan ūqsas qylmystyq ís Aqtóbe oblysynda da qozǵaldy. Onda būryn sottalǵan jergílíktí tūrǵyn ūstaldy. Ol da ózín ūıymdasqan qylmysqa qarsy kúres basqarmasynyń qyzmetkerí retínde tanystyryp, jergílíktí tūrǵyndardan psıhologıyalyq qysym kórsetu arqyly aqsha talap etken.
ÍÍM azamattardy qyraǵy boluǵa jáne ózderín qūqyq qorǵau organdarynyń qyzmetkerlerí retínde tanystyratyn adamdardyń qorqytuy men qysymyna berílmeuge shaqyrady.
Mūndaı jaǵdaılar tuyndaǵan kezde dereu polıtsıyaǵa júgínu qajet.
ÍÍM azamattardyń qauípsízdígí men zańdy múddeleríne qarsy qylmystardy anyqtau jáne olardyń jolyn kesu boıynsha jūmysty jalǵastyrady.