Almaty qalasy TJD memlekettík órt baqylau basqarmasy bastyǵynyń orynbasary Erkebūlan Jūmataev Óńírlík kommunıkatsıyalar qyzmetíníń brıfıngínde sóz sóılep, qalanyń tabıǵı aumaqtaryndaǵy órt jıí shyǵatyn mausymdaǵy jaǵdaı turaly jan-jaqty esep ūsyndy.
26 nauryzdan 20 qarashaǵa deıíngí aralyq órt qaupí joǵary mausym
Jūmataevtyń aıtuynsha, Orman sharuashylyǵy men januarlar dúnıesí komıtetíníń būıryǵyna sáıkes qala aumaǵynda órt qaupí joǵary kezeń belgílengen. Sonyń íshínde 21,6 myń gektar orman-sayabaq aumaǵy erekshe baqylauǵa alynyp, tabıǵı órtke jol berílgen joq.
Mamandar qūrǵaq shóp pen qamystyń tūtanu qaupí joǵary 34 uchaskení anyqtaǵan. Dál osy aumaqtarǵa kúndelíktí baqylau júrgízíledí:
• 3 beınekamera ornatylǵan, onyń ekeuí Íle-Alatau ūlttyq parkíníń jedel kezekshílík punktínde.
Sonymen qatar departament kórshíles audandar men auyldyq okrugterge aldyn alu ís-sharasyn kúsheıtu qajettígí jónínde hattar joldap jatyr.
Monıtorıng kezeńínde TJD jáne polıtsıya qyzmetkerlerí:
• 146 reıd júrgízdí;
• halyqqa 7 myńnan astam jadynama taratty;
• 169 ot jaǵu faktísíníń jolyn kestí;
• 167 adamdy jauapqa tartty;
• 355 gektardan astam qūrǵaq dala aumaǵyn tekserdí;
• jaz boıy Qóktóbe yqshamaudany men Alma-Arasan shatqalyn saqshylar qoryp júrdí.
Erkebūlan Jūmataevtyń habarlauynsha, órt qauípsízdík rejımín būzǵany úshín:
• 2 adam ÁQBtK-níń 505-baby boıynsha jauapqa tartylǵan;
• 138 qūqyqbūzushy 410-bap boıynsha 4,8 mln teńge kólemínde aıyppūl tólegen;
• JPQ qyzmetkerlerí qosymsha 3,1 mln teńge aıyppūl salǵan;
• taǵy 16 adam 336-bap boıynsha jauapqa tartylǵan.
Tabıǵı órtterge jedel den qoyu úshín qūrylǵan jedel jasaq qūramynda:
• kúndelíktí kezekshílík etetín 13 qyzmetker;
• 2 saqshylar keshení;
• barlyǵy 100 TJ qyzmetkerí men qosymsha 130 áskerı qyzmetshí bar.
«Bízdíń basty míndetímíz — órttíń aldyn alu», — deıdí TJD ókílí.
Jūmataevtyń aıtuynsha, Almaty qalasynyń TJD ásírese halyq kóp demalatyn, turıster jıí baratyn oryndarda profılaktıkalyq jūmysty kúsheıtudí jalǵastyryp jatyr. Únemí reıd te júrgízíp tūrady.
«Tūrǵyndardy abaı boluǵa shaqyramyz. Kez kelgen ūqypsyzdyqtyń arty úlken órtke ūlasuy múmkín», — dep atap óttí Erkebūlan Jūmataev.