Halyqaralyq áıelder kúní qarsańynda Tótenshe jaǵdaılar departamentínde qyzmetker áıelderge erekshe merekelík tosynsyı jasaldy, – dep habarlaıdy aqshamnews.kz tílshísí.
Ǵımarattyń kíreberísínen bastap áıelderdí jańa jauyngerlík kıím kıgen órtsóndírushí-qūtqarushylardan sap túzep qarsy aldy.
Júrekjardy lebízder ayasynda — «Sen eń keremetsíń!», «Sen eń sūlu jansyń!», «Merekeńmen!» degen qūttyqtaular aıtylyp, qyzmetker áıelder áríptesteríníń qūrmetí men alǵysyna bólene otyryp, sol dálízben júríp óttí.
Merekelík kóńíl kúı ǵımarat íshínde de jalǵasty: áıelderdí orkestr, arnaıy bezendírílgen fotozona, taqyryptyq banner, sondaı-aq gúlder men áue sharlary kútíp tūrdy.
Jandy muzyka, shynaıy qūttyqtaular jáne áríptesteríníń ystyq yqylasy garnızondaǵy qyzmetker áıelderge kóteríńkí kóńíl kúı syılap, kóktem merekesí qarsańynda jarqyn da ūmytylmas áser qaldyrdy.
