Qarjy monıtorıńi agenttigi "PokStars" jáne "LuckyShark" atty zańsyz onlaın-qumar oıyndaryn uıymdastyrǵan tulǵalar tobyna qatysty tergeýdi aıaqtady, dep habarlaıdy aqshamnews.kz
Agenttiktiń málimetinshe, bás tigýler bank arqyly qabyldanyp, odan soń oıynshylarǵa júıege kirý úshin logın men qupıasóz berilgen.
“Qarjylyq operasıalar týystary men úshinshi tulǵalardyń, sonyń ishinde shetel azamattarynyń (dropperlerdiń) atyna rásimdelgen bank kartalary arqyly júrgizilgen. Jańa oıynshylardy tartý maqsatynda áleýmettik jelilerde oıyn klýbyn jarnamalaıtyn nysanaly jarnama qoldanylǵan”, – delingen habarlamada.
Sot úkimimen úsh kináli tulǵa 2 jyl 6 aıdan 4 jyl 6 aıǵa deıingi merzimge bas bostandyǵynan aıyryldy.
Sondaı-aq memleket paıdasyna 116 mıllıon teńge zańsyz tabys pen "ZEEKR" markaly avtokólik tárkilengen.