Qazaqstan Respublıkasy Prezıdentíníń janyndaǵy Memlekettík basqaru akademıyasy jańa oqu jylyna qūjat qabyldaı bastady. Óńírlík kommunıkatsıyalar qyzmetínde ótken brıfıngte Akademıyanyń Almaty qalasyndaǵy bólímshesíníń dırektory Aınūr Ydyrysova osylaı dedí, – dep habarlaıdy aqshamnews.kz tílshísí.
Onyń aıtuynsha, qabyldau nauqany 1 sáuírde bastalyp, bıylǵy 1 mausymǵa deıín jalǵaspaq. Magıstratura men doktorantura baǵdarlamasyna qūjatty admission.apa.kz aqparattyq júıesí arqyly onlaın formatta tapsyra alasyz.
Spıkerdíń aıtuynsha, bıyl bílím beru múmkíndígíníń sany artqan. 15 bílím beru baǵdarlamasy boıynsha qabyldaıdy, būryn olardyń sany 12 bolǵan eken. Osy joly oqu orny «Ískerlík ákímshílendíru (EMBA)» men «Tsıfrlyq memlekettík basqaru (DDPA)» atty jańa baǵyttardy engízíptí.
«Memlekettík bílím beru tapsyrysy boıynsha magıstraturaǵa shamamen 200 adamdy, doktoranturaǵa 12 adamdy alu josparlanyp otyr. Sondaı-aq talapkerdíń funktsıonaldyq eńbek ótílín baǵalau úshín arnauly komıssıya qūrudy da oılastyryp qoıdyq», — dep tolyqtyrdy Aınūr Ydyrysova.
Oqudyń merzímíne de ózgerís engízílgen. Máselen, «Memlekettík sayasat», «Halyqaralyq qatynastar» men «Ekonomıka» baǵdarlamasy ǵylymı-pedagogıkalyq baǵytqa auystyrylyp, oqu ekí jylǵa ūzartyldy. «Adamı resurstardy basqaru» baǵdarlamasy «Adamı resurstardy strategıyalyq basqaru» bolyp qaıta atalyp, oqu merzímí 1,5 jylǵa deıín ūlǵaıtylǵan.
Talapkerge qoıylatyn bír talap - «Memlekettík sayasat» baǵdarlamasyna túsetínderdíń aǵylshyn tílín bíletínín rastaıtyn sertıfıkaty boluy kerek.
Íríkteu bírneshe kezeńnen tūrady, onyń íshínde úmítkerdíń kásíbı jáne jeke qūzyretín, memlekettík basqaru júıesí men zańnamany bílu deńgeıín baǵalauǵa baǵyttalǵan saraptamalyq esse jazu men áńgímelesu de bar.
Aldyn ala qabyldau nátıjelerí 25 mausymda, qorytyndy qabyldau 10 shíldede jarıyalanady. Oqu jyly 2026 jylǵy 1 qyrkúıekte bastalady.