Áleýmettik jeliler men messendjerlerde taralǵan Almatydaǵy birneshe mektepte terrorlyq áreketter daıyndalýy múmkin degen habarlamalarǵa baılanysty qalalyq Polısıa departamentiniń (PD) baspasóz qyzmeti resmı málimdeme jasady, dep habarlaıdy aqshamnews.kz
PD málimetine sáıkes, bul aqparat shyndyqqa sáıkes kelmeıdi jáne jalǵan habar bolyp tabylady. Qazirgi ýaqytta qaladaǵy barlyq oqý oryndaryndaǵy jaǵdaı tolyq baqylaýda.
"Polısıa men basqa da jedel qyzmetter kúsheıtilgen rejımde jumys istep jatyr, balalar men muǵalimderdiń qaýipsizdigin qamtamasyz etý úshin barlyq qajetti sharalar qabyldanýda", – delingen habarlamada.
Jalǵan aqparatty taratý faktisi boıynsha jedel-izdestirý is-sharalary bastalǵan. Qazirgi ýaqytta habarlamanyń avtory men kózi anyqtalýda, ony taratqan tulǵa zańnamaǵa sáıkes jaýapqa tartylady.
Polısıa turǵyndarǵa birneshe eskertý jasady: sabyr saqtaý, panıkaǵa berilmeý, tek resmı aqparat kózderine – memlekettik organdar men quqyq qorǵaý qurylymdarynyń habarlamalaryna sený, sondaı-aq tekserilmegen habarlamalardy taratyp nemese kóshirip jibermeý.
"Balalardyń qaýipsizdigine qatysty jalǵan aqparatty taratý – aýyr quqyq buzýshylyq bolyp tabylady jáne zań boıynsha jaýapkershilikke ákep soqtyrady", – dep eskertti PD Almaty baspasóz qyzmeti.