Almatynyń Medeu audany 30-dan astam qoǵamdyq keńístíktí abattandyrady, – dep habarlaıdy aqshamnews.kz tílshísí.
Medeu audanynda bıyl qoǵamdyq keńístík pen turıstík ınfraqūrylymdy damytatyn bírneshe jańa joba júzege asady. Būl turaly audan ákímí Erkebūlan Orazalın Óńírlík kommunıkatsıyalar qyzmetínde málímdedí.
Onyń aıtuynsha, Medeu audany qalanyń negízgí turıstík ortalyǵynyń bírí bolyp qala beredí. 2025 jyly audanǵa shamamen 649 myń adam kelíptí.
Ótken jyly sátímen júzege asqan jobanyń bírí dep «Terrenkur» jobasyn atauǵa bolady. Búgínde būl qala tūrǵyndarynyń arasynda demalysqa arnalǵan tanymal orynnyń bíríne aınalyp, mūnda keletínderdíń sany kún saıyn artyp barady. Osy tájírıbení eskere otyryp, bıyl «Medeu» parkí aumaǵyn damytu josparlanyp otyr. Joba ayasynda ūzyndyǵy 6 shaqyrym bolatyn jayau júrgínshíler baǵyty salynyp, demalys aımaqtary men negízgí tartylys núktelerí bar qoǵamdyq keńístíkterdí abattandyryp shyqpaqshy.
Joldasbekov pen Meńdíqūlov kóshesí de jańarady. Mūnda jayau júrgínshílerdíń aımaǵy abattanyp, kógaldanyp, jaıly qoǵamdyq keńístíkter qūrylady. Sondaı-aq Zenkov kóshesíníń Gogol kóshesínen Maqataev kóshesíne deıíngí 450 metrlík bólígí de jańartylady. Būl jerde dámhanalar men demalys oryndary bar jayau júrgínshíler aımaǵy paıda bolady.
«Halyq qatysatyn byudjet» baǵdarlamasy ayasynda 2026 jyly 31 jobany íske asyru kózdelgen. Olardyń qatarynda 10 aulany abattandyru, 8 qoǵamdyq keńístíktí jańartu men 13 avtosuaru júıesín ornatu da bar.
Būl jobalar qalalyq ortanyń jaılylyǵyn arttyryp, audandy tūrǵyndar men turıster úshín tartymdy ete túsuge múmkíndík beredí.