2026 jyly 23-26 shílde aralyǵynda Almatyda ACT Creative Tech Week 2026 halyqaralyq forumy ótedí. Ís-shara Qazaqstan men Koreya Respublıkasynan bílím beru, kreatıvtí ındustrıya, jasandy ıntellekt jáne tsıfrlyq tehnologıya salasynyń ókílderín bír alańǵa bíríktíredí, – dep habarlaıdy aqshamnews.kz tílshísí.
Forumdy ótkízu Seul qalasynda «Dıalog» audarmashylar odaǵy» qoǵamdyq bírlestígí, Academy of Creative Technologies (ACT) jáne YLAB Academy arasynda qol qoıylǵan ózara túsínístík turaly memorandumdy íske asyrudaǵy alǵashqy praktıkalyq qadam boldy.
Qūjat bílím beru, kreatıvtí ındustrıya, jasandy ıntellekt jáne tsıfrlyq tehnologıya salasyndaǵy yntymaqtastyqty damytudy kózdeıdí. Seríktestík ayasynda taraptar bírlesken bílím beru baǵdarlamalaryn ázírlep, halyqaralyq ís-sharalar ūıymdastyrady, ǵylymı-zertteu jobalaryn júzege asyrady jáne kásíbı tájírıbe almasady.
Academy of Creative Technologies (ACT) – Almatydaǵy ALT University bazasynda jūmys ísteıtín halyqaralyq bílím beru platformasy. Ol jasandy ıntellekt, aqparattyq tehnologıya jáne kreatıvtí ındustrıya baǵyttary boıynsha maman dayarlaumen aınalysady. Al YLAB Academy – vebtundar men zıyatkerlík menshík (IP) salasyndaǵy álemdík kóshbasshylardyń bírí sanalatyn YLAB kompanıyasynyń bílím beru bólímshesí.
ACT Creative Tech Week 2026 ayasynda Almatyda alǵash ret YLAB Academy sarapshylary sóz sóıleıdí. Forum qatysushylary vızualdy storıtellıngtíń zamanauı tásílderíne, Webtoon jasauǵa, zıyatkerlík menshíktí damytuǵa jáne tsıfrlyq kontent óndíruge arnalǵan dáríster men sheberdíń sabaǵyna qatysady. Ís-shara tájírıbe almasuǵa, álemdík úrdísterdí talqylauǵa jáne jańa halyqaralyq seríktestíkterdí qalyptastyruǵa arnalǵan mańyzdy alańǵa aınalady.
Ūıymdastyrushylardyń aıtuynsha, qazaqstandyq jáne koreyalyq bílím beru ūıymdary arasyndaǵy yntymaqtastyq halyqaralyq deńgeıdegí maman dayarlauǵa, kreatıvtí ekonomıkany damytuǵa jáne bílím beru úderísíne zamanauı tehnologıyany engízuge jańa múmkíndík ashady.