Baǵdarlamanyń mańyzdy bólígí praktıkalyq oqytuǵa arnalǵan, dep habarlaıdy aqshamnews.kz tílshísí.
Almatyda 23-25 qyrkúıek aralyǵynda Ósímdík pıtomnıkterí jóníndegí Ortalyq Azıya qauymdastyǵynyń (ÓPJOA) IV konferentsıyasy jáne Green Spaces Expo 2026 halyqaralyq kórmesí ótude. Ís-sharanyń ashylu saltanatyna Almaty qalasy ákímíníń bírínshí orynbasary Almashan Smatlaev qatysty.
Konferentsıyaǵa qalalyq ákímdíkterdíń, ósímdík pıtomnıkterí men bau-baqsha ortalyqtarynyń ókílderí, sáuletshíler, urbanıster, landshaft salasynyń mamandary, ǵalymdar jáne túrlí elderden kelgen kompanıyalar qatysuda. Bıyl kórmege 15 elden 80-nen astam eksponent qatysyp otyr. Kórme ósímdík pıtomnıkterí, kógaldandyru, sondaı-aq qoǵamdyq jáne jeke keńístíkterdí abattandyru máseleleríne arnalǵan.
Almaty úshín mūndaı ís-sharany ótkízu qalalyq ortany damytu baǵytynda tájírıbe almasuǵa jáne zamanauı sheshímdermen tanysuǵa múmkíndík beredí. Baǵdarlama ayasynda jasyl aımaqtardy jobalau jáne kútíp ūstau, klımattyq jaǵdaılardy eskere otyryp ósímdíkterdí tańdau, suaru júıelerí men jańbyr suyn saqtau, sondaı-aq tūraqty qoǵamdyq keńístíkterdí qalyptastyru tásílderí talqylanuda.
Baǵdarlamanyń mańyzdy bólígí praktıkalyq oqytuǵa arnalǵan. Qalany kógaldandyrudy basqaru salasyndaǵy mamandar úshín qarqyndy oqytu kurstary men semınarlar ūıymdastyrylyp, onda merdígerlermen jūmys ísteu, otyrǵyzu materıaldaryn tańdau, ósímdíkterdí otyrǵyzu jáne kútíp-baptau, sondaı-aq oryndalǵan jūmystardyń sapasyn baqylau máselelerí qarastyrylady. Sonymen qatar «Ashyq mıkrofon» formaty ūıymdastyrylǵan. Ekí saǵattyq sessıya barysynda qatysushylar jetekshí sarapshylarǵa sūraq qoıyp, saladaǵy naqty tájírıbelík keısterdí talqylaı alady.
Konferentsıyamen qatar «Atakent» KÍBS aumaǵynda Green Spaces Expo 2026 halyqaralyq kórmesí ótude. Mūnda Qazaqstan, Reseı, Germanıya, Nıderland, Polsha, Belgıya, Túrkıya, Ózbekstan, Qyrǵyzstan, Qytaı jáne basqa da elderden kelgen pıtomnıkter men óndírushíler óz ónímderí men sheshímderín tanystyruda.
Baǵdarlamanyń qorytyndysy 25 qyrkúıekte ótetín Green Expert praktıkalyq kúnímen ayaqtalady. Qatysushylar Almatydaǵy júzege asyrylǵan qalalyq kógaldandyru nysandaryn, Bas botanıkalyq baqty aralap, jasyl jelekterdí kútíp-baptau boıynsha sheberlík sabaqtaryna qatysady.
Konferentsıya Almaty qalasy, Tımıryazev kóshesí, 42, 1 korpus mekenjaıyndaǵy «Atakent» KÍBS-tíń «Baqshasaraı» qabyldau úıínde ótude.