Qazaqstanda baǵdarlama Astana Hub-pen bírlesíp ótkízíledí, dep habarlaıdy aqshamnews.kz tílshísí.
Almaty Hub-ta startaptar men shaǵyn jáne orta bızneske arnalǵan halyqaralyq Small Business Growth Academy bílím beru baǵdarlamasy bastalady. Jobany QR Jasandy ıntellekt jáne tsıfrlyq damu mınıstrlígí, Astana Hub jáne Meta Almaty qalasy ákímdígíníń qoldauymen júzege asyrady. Būl turaly Almaty qalasy Tsıfrlandyru basqarmasynyń ókílderí habarlady.
Baǵdarlama bıznestí ílgeríletu, klıenttermen jūmys ísteu jáne kásíptí damytu úshín tsıfrlyq qūraldar men jasandy ıntellekt múmkíndíkterín paıdalanǵysy keletín kásípkerlerge arnalǵan.
Aldaǵy aılarda Almatyda bes praktıkalyq vorkshop ótedí. Qatysushylar jarnamany baptaudy, Facebook, Instagram jáne WhatsApp platformalarymen jūmys ísteudí, AI kómegímen kontent jasaudy, jańa audıtorıya tartudy jáne klıenttermen baılanysty avtomattandyrudy úırenedí.
Alǵashqy vorkshop 28 qyrkúıekte saǵat 10:00-den 12:00-ge deıín Almaty Hub-ta ótedí. Onda Meta platformalaryndaǵy jarnama, Reels jáne Threads formattary, marketıngte AI qoldanu jáne kompanıyalardyń praktıkalyq keısterí qarastyrylady.
Small Business Growth Academy baǵdarlamasyn Meta Azıya-Tynyq mūhıty óńíríníń 12 elínde júzege asyrady. Qazaqstanda baǵdarlama Astana Hub-pen bírlesíp ótkízíledí, al praktıkalyq sessıyalardy Meta-nyń jergílíktí seríktesí — CoobX ūıymdastyrady.