Almatyda Oqu-aǵartu mınıstrlígíníń Respublıkalyq ǵylymı-pedagogıkalyq kítaphanasy men «Kítap oqıtyn ūlt – Chıtayushchaya natsıya» qoǵamdyq qory arasynda yntymaqtastyq turaly memorandumǵa qol qoyu rásímí óttí.
Memorandumǵa Respublıkalyq ǵylymı-pedagogıkalyq kítaphananyń dırektory Álıya Saıdembaeva jáne «Kítap oqıtyn ūlt – Chıtayushchaya natsıya» qorynyń teń tóraǵasy Shyńǵys Jūmaǵalı qol qoıdy. Álıya Saıdembaeva būl qūjat «Kítap oqıtyn ūlt» jobasy ayasyndaǵy taraptardyń áríptestígín resmı túrde bekítíp, elímízde tūraqty oqu mádenıetín qalyptastyruǵa, synı oılaudy damytuǵa jáne qazaqstandyqtardyń zıyatkerlík áleuetín arttyruǵa baǵyttalǵan bírlesken jūmysty ūıymdastyruǵa josh ashady.
Al Shyńǵys Jūmaǵalı «Kítap oqıtyn ūlt» jobasy Memleket basshysy Qasym-Jomart Toqaevtyń Ūlttyq qūryltaıda aıtqan bastamasy ayasynda júzege asyrylyp jatqanyn atap óttí.
- Jobanyń basty maqsaty — qoǵamda tūraqty kítap oqu mádenıetín qalyptastyru jáne Qazaqstandy álemdegí eń kóp oqıtyn on eldíń qataryna qosu, - dedí ol.
2025 jyldyń qyrkúıegínde joba pılottyq rejımde Qaraǵandy oblysynda, Qostanaı oblysynda jáne Shymkent qalasynda bastaldy. Endí oǵan Almaty qalasy da qosylady. Qazírgí uaqytta jobaǵa 189 myńnan astam adam qatysyp jatyr.
Joba halyqtyń ártúrlí toptaryn qamtıdy jáne myna baǵyttar boıynsha júrgízíledí:
− «Kítap oqıtyn mektep» (6–10 synyp oqushylary);
− «Kítap oqıtyn kolledj» jáne «Kítap oqıtyn unıversıtet» (studentter);
− «Kítap oqıtyn pedagog» (ūstazdar);
− «Kítap oqıtyn áulet» (otbasylar);
− «Kítap oqıtyn memlekettík qyzmetshí» (memlekettík qyzmetshíler).
- Ár baǵyt úshín sarapshylar qatysushylardyń jasy men qyzyǵushylyǵyna sáıkes qazaq jáne orys tílderínde 15 kítaptan tūratyn tízím qūrastyrdy. Tízímge jalpyūlttyq dauys beru nátıjesínde tańdalǵan «Qazaqstan ádebıetíníń 100 tanymal kítaby» jobasynyń shyǵarmalary men álemdík bestsellerler engízílgen, - dedí Shyńǵys Jūmaǵalı.
