2025 jyldyń basynan berí Almatyda 6,8 myńnan astam jas psıhologıyalyq kómek pen keńes aldy. Būl turaly qalanyń Jastar sayasaty basqarmasy ókílderí aıtty.
Atalǵan jūmys qalalyq baǵdarlamalar ayasynda júrgízílíp, emotsıonaldyq kúızelístíń aldyn aluǵa, mazasyzdyq pen kúızelís deńgeıín tómendetuge, sondaı-aq ómírlík jáne kásíbı syn-qaterlerge beıímdelu men ózín-ózí retteu daǵdysyn qalyptastyruǵa baǵyttalǵan. Ásírese, áleumettík tūrǵydan osal sanattaǵy jastarǵa, studentterge, jūmys ísteıtín jastarǵa jáne NEET sanatyndaǵy ókílderge erekshe kóńíl bólínedí.
Psıhologıyalyq qoldau qalanyń komyunıtı ortalyqtary, bílím beru ūıymdary jáne arnauly keńes beru alańdary arqyly kórsetíledí. Jastar jeke jáne toptyq keńes alyp, stresstí basqaru boıynsha trenıngten ótedí, emotsıonaldyq ıntellekttí damytuǵa arnalǵan vorkshoptarǵa jáne mentaldy densaulyq taqyrybyndaǵy bílím beretín kezdesulerge qatysady.
Jastardy keshendí qoldau ayasynda jūmyspen qamtu máselsí boıynsha da jūmys kúsheıtíldí. Jyl basynan berí 10,8 myńnan astam almatylyq jas jūmysqa ornalasu, kásíbı baǵdar beru jáne mansaptyq daǵdyny damytu jónínde keńes aldy. Būl qyzmetterge túıíndeme jasau, áńgímelesuge daıyndyq jáne ózektí bos jūmys oryndaryn íríkteu kíredí.
Jastardy keshendí qoldau ayasynda olardy jūmyspen qamtu boıynsha da jūmys kúsheıtíldí. Jyl basynan berí 10,8 myńnan astam almatylyq jas maman jūmysqa ornalasu, kásíbı baǵdar jáne mansaptyq daǵdyny damytu boıynsha keńes aldy. Būl qyzmetterge túıíndeme ázírleu, sūhbatqa daıyndalu jáne jarıyalanǵan bos jūmys oryndaryn qarastyru sekíldí baǵyttar kíredí.
«Psıhologıyalyq ál-auqat – jastardyń tūraqty damuynyń negízí. Bízdíń míndetímíz – kómektí qoljetímdí, uaqytyly árí túsíníktí etu. Árbír jas óz qıyndyqtarymen jalǵyz qalmaıtynyn bíluge tıís», – dedí Almaty qalasy Jastar sayasaty basqarmasynyń basshysy Azız Kajdenbek.