Almatyda jol erejesín óreskel būzǵan qūqyq būzushylar jauapqa tartyldy.
Almatyda jol qozǵalysynyń qauípsízdígín qamtamasyz etu jáne jol-kólík apattaryn azaıtuǵa baǵyttalǵan júıelí jūmys jalǵasyp keledí, - dep habarlaıdy Aqshamnews.kz.
Ákímshílík polıtsıya qyzmetkerlerí jol erejelerín óreskel būzatyn júrgízushílerdí, sonyń íshínde ákímshílík aıyppūldardy tóleuden jaltarǵandardy anyqtauǵa baǵyttalǵan arnaıy ís-sharalar júrgízude. Reıdtík ís-sharalar barysynda bírneshe kólík ūstaldy, olardyń ıelerí eleulí somadaǵy aıyppūldardy tólemegen. Bír jaǵdaıda aıyppūldar somasy 4 mıllıon teńgeden asyp ketse, basqasynda 500 myń teńgeden asty. Barlyq júrgízushíler kólíktí basqarudan uaqytsha shettetíldí, kólíkter arnaıy aıyp tūraǵyna qoıyldy. Polıtsıya atap ótkendeı, mūndaı qūqyq būzushylyqtar jol qozǵalysynyń barlyq qatysushylary úshín qauíp tudyrady jáne olarǵa qatań áreket etu qajet.
– 2025 jyl profılaktıka jyly dep jarıyalandy. Bízdíń maqsatymyz – tek qūqyq būzushylyqtardy anyqtau emes, jol qozǵalysyna qatysushylardyń jauapkershílígín qalyptastyru. Jazanyń bolmauy múmkín emes ekenín túsíndíru jáne "Zań men tártíp" qaǵıdatyn saqtau – qauípsíz joldardyń negízí. Júrgízushílerdí jol erejelerín qatań saqtau jáne aıyppūldardy uaqytynda tóleu qajettígí turaly eskertemíz. Tek osy jolmen ǵana ár adamnyń qauípsízdígín qamtamasyz etuge bolady, – dep atap óttí Almaty qalasy PD ákímshílík polıtsıya basqarmasynyń bastyǵy Serík Shumaev.
Polıtsıya reıdtík ís-sharalardy kúsheıtílgen rejımde jalǵastyra beredí.