QR Tótenshe jaǵdaılar mınıstrlígí «Seısmologıyalyq zertteu ınstıtuty» JShS-níń seısmıkalyq stantsıyalar jelísí 2025 jyly 4 jeltoqsanda, Astana uaqytymen 12:45-te jer sílkínísín tírkedí.
Zílzala oshaǵy Almatydan ońtústík-shyǵysqa qaraı 277 km qashyqta, Qytaı aumaǵynda ornalasqan. Magnıtudasy - MPV 6.7, tereńdígí - 5 km.
Almatyda dúmpuler MSK-64 shkalasy boıynsha 3 ball deńgeıínde sezíldí.
Qalada dabyl íske qosyldy. Sauda ortalyqtary men mektepter, kolledjder, JOO men qoǵamdyq oryndarda evakuatsıya qalypty jaǵdaıda óttí.
Almaty TJD málímetínshe,polıtsıya departamentíníń patruldík kólíkterí men órt sóndíru bólímderíníń arnaıy tehnıkalary qala aumaǵyn aralap tekseru jūmystaryn júrgízíp jatyr. Gıdrobeket baqylaushylary jáne ınjenerlík-tehnıkalyq mamandar algorıtmge sáıkes ózen arnalaryn jáne nysandaryn tekserudí jalǵastyrady.
TJM-níń "Qazseldenqorǵau" memlekettík mekemesíníń mamandary ózen arnalarynyń, gıdrotehnıkalyq qūrylymdardyń, sondaı-aq kóshkín jáne sel qaupí bar aımaqtardy baqylauǵa alǵan.
Sonymen qatar, tūrǵyndardy qamtamasyz etetín ınfraqūrylym nysandarynyń zaqymdanǵany-zaqymdanbaǵanyn anyqtau úshín vızual tekserís qolǵa alyndy. Qazír būl nysandar qalypty jūmys ístep tūr.
Zardap shekkender nemese qıraǵan nysandar turaly aqparat túsken joq.
