2025 jyldyń toǵyz aıynda aýrý kórsetkishi 38,8 paıyzǵa ósken, dep habarlaıdy aqshamnews.kz
Osy kezeńde ártúrli aýyrlyq dárejesindegi 183 bala aýrýhanaǵa jatqyzylǵan, al asqynǵan jaǵdaılar sany byltyrmen salystyrǵanda 40,9 paıyzǵa artqan.
Asqynýlardyń ishinde ortalyq júıke júıesi men tynys alý joldarynyń zaqymdanýy tirkelgen. Aýyrǵandardyń 60 paıyzdan astamy mektepke deıingi jáne bastaýysh synyp jasyndaǵy balalar.
Aıta ketsek, jelsheshekke qarsy vaksınasıa Ulttyq ekpe kúntizbesine kirmegendikten, ujymdyq ımýnıtet tek aýrýdy bastan ótkergenderdiń esebinen qalyptasady.
Sheshek aýrýynyń ósýi respýblıka boıynsha da baıqalyp otyrǵany aıtyldy. Densaýlyq saqtaý mınıstrliginiń sanıtarıalyq-epıdemıologıalyq baqylaý komıteti dereginshe, bıyl Qazaqstanda sheshek aýrýynyń 30 myńnan astam jaǵdaıy tirkelgen, onyń 85 paıyzy, ıaǵnı 25 815 adam 14 jasqa deıingi balalar.
Byltyr 22 607 naýqas anyqtalǵan bolatyn. Aýrýshańdyq ósimi — 32 paıyz.