Bıyl «Dene shynyqtyrý jáne sport týraly» QR Zańyna birqatar ózgeris engizildi. Onyń ishinde ulttyq, olımpıadalyq, paralımpıadalyq, sýrdlımpıadalyq sport túrleri teńestirilip, basym sport túrleri qataryna kirdi. Qazir elimizde 11 ulttyq sport túri damyp kele jatyr.
200 myńnan astam azamat toǵyzqumalaqpen shuǵyldanady. Al, jalpy 600 myńnan astam adam ulttyq sport túrlerimen aınalysady. Olar barlyq sportshynyń 9,6%-yn quraıdy, - dep habarlaıdy Aqshamnews.kz.
Bul týraly QR Týrızm jáne sport mınıstrligi Sport jáne dene shynyqtyrý isteri komıteti tóraǵasynyń orynbasary Amanbaı Nurmuhanbetov OKQ alańynda málimdedi.
Onyń aıtýynsha, IýNESKO-nyń materıaldyq emes mádenı muralar tizimine ulttyq sport túriniń tórteýi engizildi: qusbegilik, qazaq kúresi, asyq atý jáne toǵyzqumalaq.
«Toǵyzqumalaq sport túri elimizde qarqyndy damý ústinde. Almaty qalasynda 17-23 qarasha aralyǵynda jasóspirimder arasynda toǵyzqumalaqtan İİ Álem chempıonaty ótkiziledi. İ Álem chempıonaty 2023 jyly Almaty qalasynda ótkizilgen. Respýblıkalyq federasıa tarapynan úlken jumys júrgizilip, 2 jylda 1 ret ótkiziletin bolyp bekitilgen», – dedi spıker.
Toǵyzqumalaqtan jasóspirimder arasyndaǵy İİ Álem chempıonatyna 20 elden sportshylar qatysady. İ chempıonatta 16 eldiń ókilderi baq synasqan. Bıylǵy jarysta klasıka onlaın/oflaın; rapıd pen blıs oflaın ótedi.