2025 jylǵy jeltoqsan aıynyń basynan bastap Almatyda órt qauípsízdígín qamtamasyz etuge baǵyttalǵan auqymdy ís-sharalar qolǵa alyndy. Qalalyq Tótenshe jaǵdaılar departamentíníń málímetínshe, uaqtyly daıyndyq pen tūrǵyndardyń jauaptylyǵynyń arqasynda jańajyldyq merekeler barynsha tynysh óttí. Óńírlík kommunıkatsıyalar qyzmetínde Almaty qalasy Tótenshe jaǵdaılar departamentí Memlekettík órt baqylau basqarmasy bastyǵynyń orynbasary Erkebūlan Jūmataev osylaı dep habarlady.
TJD qyzmetkerlerí kezekshílík ūıymdastyryp, būqaralyq ís-sharalar ótetín barlyq alańda órttíń aldyn alatyn tekseru júrgízdí. Polıtsıya departamentímen bírlesíp, pırotehnıkalyq ónímderdíń zańsyz aınalymyn anyqtap, jolyn kesuge baǵyttalǵan «Pırotehnıka» jedel-profılaktıkalyq ís-sharalar jospary júzege asyryldy. 2025 jylǵy 5 jeltoqsan men 2026 jylǵy 3 qańtar aralyǵynda 180 reıd ótkízílíp, 1000 kelíden astam sertıfıkattalmaǵan pırotehnıka tárkílendí, 137 ákímshílík hattama toltyryldy, sondaı-aq tūrǵyndarǵa pırotehnıkany qauípsíz paıdalanu turaly shamamen 900 úgít-nasıhat materıaly taratyp shyqty.
«Órt qauípsízdígíníń bíryńǵaı kúní» aktsıyasy ayasynda «Atameken» ŪKP bazasynda qalanyń úlken bazarlary men sauda-oıyn-sauyq ortalyǵynyń ókílderímen dóńgelek ústel óttí. Kásípkerlerge órt qauípsízdígíníń talabyn túsíndíríp, ony būzǵandardyń jauapqa tartylatyny aıtyldy.
Tūrǵyndar arasynda da auqymdy profılaktıkalyq jūmys júrgízíldí: medıabordtarda, sauda úıleríníń LED-ekrandarynda, emhanalar men HQKO-larda aqparat taratyldy. Mektep pen balabaqshalarda balalar qauípsízdígíne arnalǵan synyp saǵattary men sabaqtar ūıymdastyryldy. Pırotehnıka satushylar da ónímdí qauípsíz satyp, saqtaudy úıretetín nūsqaulyqtan óttí.
Almaty TJD Memlekettík órt baqylau basqarmasy bastyǵynyń orynbasary Erkebūlan Jūmataevtyń aıtuynsha, qyzmetterdíń bírlesken jūmysy men tūrǵyndardyń sanaly áreketíníń arqasynda Jańa jyl túní qala aumaǵynda bírde-bír órt tírkelmeptí. 31 jeltoqsan men 5 qańtar aralyǵynda alty órt shyqqanymen, qaza tapqan, jaraqat alǵandar joq, bír adam qūtqaryldy.
«Qalanyń barlyq qyzmetí tynbaı jūmys ístep, tūrǵyndar da jauapty bolǵandyqtan mereke osy joly tynysh óttí», - deıdí Erkebūlan Jūmataev.