Respublıka saraıynyń sahnasynda Jambyl atyndaǵy Qazaq memlekettík akademıyalyq fılarmonıyasynyń 90 jyldyǵy atalyp óttí.
Saltanatty gala-kontsertte Memleket basshysy Qasym-Jomart Toqaevtyń qūttyqtau haty oqyldy. Prezıdentímízdíń jyly lebízín Almaty qalasy ákímíníń orynbasary Abzal Núkenov oqyp berdí.
“Būl - ūlttyq muzyka óneríníń mereılí belesí. Áıgílí Ahmet Jūbanov negízín qalaǵan fılarmonıyanyń ǵasyrǵa juyq uaqyt íshínde halqymyzdyń ruhanı mūrasyn jańǵyrtuǵa, órkenıetímízdíń órísín keńeıtíp, qazaqtyń án-kúıín álemge tanytuǵa zor úles qosty. Ūlt ruhanıyatynda aıryqsha íz qaldyrǵan kóptegen tūlǵalarymyz osy kıelí sahnada óner kórsettí. Ónegelí ūjym búgínde kásíbı sheberlígín shyńdap, aǵa buynnyń taǵylymdy jolyn jalǵastyryp keledí. Tól mádenıetímízdí pash etíp, qalyń kórermenníń ystyq yqylasyna bóleníp júrgen fılarmonıya qyzmetkerleríne shynaıy rızashylyǵymdy bíldíremín. Barshańyzǵa amandyq, shyǵarmashylyq shabyt tíleımín. Qūrmetpen Qasym-Jomart Toqaev”, - delíngen qūttyqtau hatta.
Ís-shara bastalar aldynda fılarmonıya ardagerlerí qyzyl kílemmen sán-saltanatpen júríp óttí. Būl sát aıtuly keshke jınalǵan, osynau bekzat ónerdí baǵyndyrǵan talant ıeleríne erekshe merekelík kóńíl-kúı syılaǵany anyq.
Sondaı-aq, Almaty qalasy muzeıleríníń bírlestígí men Qazaqstan Respublıkasynyń Ūlttyq ortalyq muzeıí fılarmonıya tarıhy men Nūrǵısa Tílendıevtíń shyǵarmashylyq mūrasyna arnalǵan kórme ūsyndy. Almatylyqtar men qala meımandary elímízdegí eń baıyrǵy muzykalyq mekemelerdíń bíregeıí sanalatyn fılarmonıyanyń 90 jylda júríp ótken jolynan syr shertetín, únsíz sóıleıtín, sırek kezdesetín mūraǵattyq fotosuretter men materıaldardy tamashalady.
Saraı sahnasynda N.Tílendıev atyndaǵy «Otyrar sazy» memlekettík folklorlyq-etnografıyalyq akademıyalyq orkestrí, T.Ábdírashev atyndaǵy memlekettík akademıyalyq sımfonıyalyq orkestrí, Qazaqstan Respublıkasynyń memlekettík úrmelí orkestrí, B.Baıqadamov atyndaǵy memlekettík hor kapellasy, Klassıkalyq gıtarısterdíń memlekettík kvıntetí, Ǵazıza Jūbanova atyndaǵy memlekettík íshektí aspaptar kvartetí, Memlekettík úrmelí kvıntet, sondaı-aq tanymal solıster, dombyrashylar jáne pıanıster óner kórsettí.
“Osynau ǵajap ónerdí dáríptep júrgen áríptesterímdí shyn júrekten qūttyqtaımyn. Ahmet Jūbanovtan bastau alǵan mádenıet oshaǵynyń búgíngídeı úlken deńgeıge jetuínde árqaısysyńyzdyń úlesíńíz bar. Klassıkalyq jáne dástúrlí qazaq óneríne ólsheusíz úles qosyp júrgen sízdermen maqtanamyn!” - dedí qazaqtyń būlbūl ánshísí, KSRO-nyń jáne Qazaqstannyń Halyq artısí Bıbígúl Tólegenova onlaın-qūttyqtauynda.
Kontsert baǵdarlamasy ūlttyq jáne álemdík muzykalyq klassıkanyń asyl jauharlaryn ūsyndy. Kórermender kórnektí qazaqstandyq kompozıtorlar – Nūrǵısa Tílendıev, Mūqan Tólebaev, Erkeǵalı Rahmadıev, Tíles Qajyǵalıev, Asqar Bestíbaev, sondaı-aq ūly klassıkter – Lyudvıg van Bethoven, Nıkolaı Rımskıı-Korsakov, Antonıo Vıvaldı jáne Pablo Sarasattyń shyǵarmalaryn tyńdady.
Būl keshte N.Tílendıevtíń «Mahambet» kúıí, «Óz elím», «Qūstar ání», "O, tuǵan jer"ánderí, ańyzǵa aınalǵan «Aqqu» kúıí, Abaıdyń «Aıtym sálem, Qalamqasy», M.Tólebaevtyń «Bírjan – Sara» operasynan merekelík bı, sondaı-aq Lyudvıg van Bethovenníń 9-shy sımfonıyasynan fragment oryndaldy.
Sonymen qatar, ekí fortepıanoǵa arnalǵan shyǵarmalar da bekzat ónerdíń ádemí álemín pash ettí.
Gala-kontsert qazaqstandyq muzyka mektebíníń dástúrlerín, sheberlígín jáne 90 jyldyq tarıhyn bíríktíre otyryp, elímízdíń mádenı ómíríndegí eń jarqyn oqıǵalardyń bírí bolyp jazyldy tarıh paraǵyna.
Aıta keteıík, 90 jyldan berí tarıh túzgen halyqtyq mūramyzǵa adal bolyp, klassıkalyq zamanauı muzyka óneríníń de kóshín súırep kele jatqan Jambyl atyndaǵy Qazaq memlekettík akademıyalyq fılarmonıyasy – Almatynyń kontserttík-sahnalyq mádenı oshaǵy. Ol 1935 jylǵy qańtarda qūrylǵan. Bastapqyda qazaq muzykatanushysy, akademık Ahmet Jūbanov ólkelík kórkemdík-kontserttík ūıym retínde ūıymdastyrǵan. Al jyr alyby Jambyl Jabaevtyń esímí fılarmonıyaǵa 1938 jyly berílgen.