Almatyda jaıaý júrginshiler ótkelinen ótip bara jatqan jasóspirim qyzdy kólik qaǵyp ketti, dep habarlaıdy Aqshamnews.kz tilshisi.
Jol-kólik oqıǵasy 24 jeltoqsan kúni keshki ýaqytta Abaı dańǵylynda bolǵan. Polısıanyń aldyn ala málimetinshe, Chevrolet markaly avtokóliktiń júrgizýshisi Altynsarın kóshesi boıymen qozǵalyp kele jatyp, 2008 jyly týǵan qyz balany soqqan.
Oqıǵa kezinde jasóspirim jaıaý júrginshiler ótkelinen ótip bara jatqan. Alǵan jaraqattaryna baılanysty boıjetken shuǵyl túrde aýrýhanaǵa jetkizildi.