Qalamyzda Sputnik V vaksınasynyń qory jetkilikti eken.
Bul aqparatty qalalyq qoǵamdyq densaýlyq saqtaý basqarmasynyń basshysy Narıman Tabynbaev málimdedi, dep habarlaıdy Almaty-akshamy.kz
«Qalada vaksına qory jetkilikti. Bul Sputnik V vaksınasyna qatysty. «Hayat-Vax» jáne «CoronaVac», ókinishke oraı, qazir joq», - dedi ol.
Sonymen qatar basqarma basshysy sońǵy 10 kúnde aýrýhanalardaǵy naýqastardyń sany 2,5 ese óskenin atap ótti.
«Jalpy, jansaqtaý jáne qarqyndy terapıa bólimshelerinde naýqastardyń sany 10 kúnniń ishinde 50-den 121-ge deıin, ıaǵnı 2,4 esege kóbeıdi. Búgingi tańda BMSK jáne Telemedısına ortalyǵy dárigerleriniń baqylaýynda 3255 pasıent bar, al aýrýhanalar men úıde emdelip jatqan 40 jasqa deıingi jastar sanynyń kúrt ósýi baıqaldy»,- dedi ol.
Búgingi tańda Almatyda 212 vaksınalaý pýnkti jumys isteıdi. 308 egý brıgadasyna 1 260 medısına qyzmetkerleri jumyldyryldy.