Almaty ákímí Darhan Satybaldynyń tóraǵalyǵymen «Halyq qatysatyn byudjet» jobasynyń íske asyrylu barysyna arnalǵan keńes óttí, – dep habarlaıdy aqshamnews.kz tílshísí.
Jıynda tūrǵyndardyń dauys beruí arqyly qoldau tapqan bastamalardyń oryndalu barysy qaraldy. Bıyl joba ayasynda 219 bastama júzege asyrylyp jatyr. Onyń 29-y ayaqtalǵan, 188 joba íske asyrylu kezeńínde, al ekí joba boıynsha konkurstyq rásímder júrgízílíp jatyr.
«Halyq qatysatyn byudjet» ayasynda qalanyń ár audanynda qoǵamdyq keńístíkter, skverler, sayabaqtar, júrgínshíler aımaqtary, aula aumaqtary men jaǵalaular kórkeıtílíp jatyr. Barlyq nysandaǵy qūrylys-montaj jūmystaryn bıylǵy tamyz aıynyń sońyna deıín ayaqtau kózdelgen.
Darhan Satybaldy audan ákímderíne árbír nysandy erekshe baqylauǵa alyp, oryndalyp jatqan jūmystardyń joǵary sapasyn qamtamasyz etudí jáne belgílengen merzímníń saqtaluyn tapsyrdy.
Qala ákímí «Halyq qatysatyn byudjet» tūrǵyndarmen tıímdí ózara baılanys ornatudyń mańyzdy tetíkteríníń bírí ekenín atap óttí. Būl joba almatylyqtarǵa qalalyq ortany damytuǵa tíkeleı atsalysyp, kóríktendírudíń basym baǵyttaryn aıqyndauǵa múmkíndík beredí.
Keńes qorytyndysy boıynsha audan ákímdíkteríne barlyq jobany uaqytyly ayaqtau, jūmystardyń sapasyna baqylaudy kúsheıtu jáne bastamalardyń íske asyrylu barysy turaly tūrǵyndardy budget.open-almaty.kz portaly arqyly tūraqty túrde habardar etíp otyru tapsyryldy.