Almatyda «Esírtkísíz bolashaq» taqyrybynda qalalyq dóńgelek ústel óttí. Tehnıkalyq jáne kásíptík bílím beru ūıymdarynyń Jol kartasy negízíndegí ís-sharany Almaty qalasy Bílím basqarmasy ūıymdastyrdy.
Ís-sharaǵa Almaty qalasynyń qūqyq qorǵau organdarynyń qyzmetkerlerí, 80-nen asa Tehnıkalyq jáne kásíptík bílím beru ūıymdary dırektorlarynyń tárbıe ísí jóníndegí orynbasarlary men pedagogterí qatysty. Būl óz kezegínde salaaralyq yntymaqtastyqty arttyryp, jastar tárbıesíne qatysty keshendí árí nátıjelí jūmystar júrgízuge múmkíndík berdí.
– Prezıdent Qasym-Jomart Toqaev óz sózínde: «Jastardyń densaulyǵyn saqtau – el bolashaǵyn saqtaudyń kepílí. Zıyandy ádetterdíń aldyn alu jáne jastardy dūrys baǵytqa tárbıeleu – asa mańyzdy míndet», – dep atap óttí. Būl – memleket sayasatynyń basym baǵyttarynyń bírí retínde aıqyndalǵan ūstanym. Jastardyń arasynda esírtkíge qarsy profılaktıkalyq jūmystardy kúsheıtu, aldyn aludyń jańa joldaryn qarastyru, osy míndetterdí íske asyru ayasynda atalǵan ís-sharanyń mańyzy zor, – dedí «Professor Ruzuddınov atyndaǵy Joǵary Medıtsına-Stomatologıyalyq kolledjí» dırektorynyń Oqu-ádístemelík jūmystary boıynsha orynbasary Meıramkúl Aıtpaıqyzy.
Basqosu maqsaty – bílím beru ūıymdarynda esírtkíge qarsy profılaktıkalyq jūmystardy júıelí túrde kúsheıtu, jastar arasynda salauatty ómír saltyn keńínen nasıhattau jáne qūqyq qorǵau organdary men bílím beru mekemelerí arasyndaǵy ózara ís-qımyldy nyǵaıtu.
Dóńgelek ústel barysynda esírtkíge qarsy kúres baǵytyndaǵy ózektí máseleler talqylanyp, aldyn alu sharalarynyń tıímdí tetíkterí qarastyryldy. Qatysushylar tájírıbe almasyp, profılaktıkalyq jūmysty jetíldíru joldary boıynsha naqty ūsynystaryn ortaǵa saldy.
Almaty qalasy Polıtsıya departamentí Esírtkí qylmysyna qarsy ís-qımyl basqarmasynyń asa mańyzdy íster jóníndegí aǵa jedel uákílí, polıtsıya podpolkovnıgí Dáuren Asqarūly bílím beru mekemeleríníń dáríger-narkologtarmen, psıhologtarmen tyǵyz jūmys ísteuín ūsyndy.
– Bírínshí kurs studentí ózí tūratyn Almaty oblysynyń aumaǵynda esírtkí zattaryn jasyrumen aınalysqan. Keıín ol polıtsıya qyzmetkerleríne ūstalyp, qazírgí uaqytta tergeu amaldary júrgízílude. Bírneshe ret aqparattyq-túsíndíru jūmystary júrgízílgen: sybaılas jemqorlyqtan bastap, UBK jelísí, kıberbullıng jáne basqa da máseleler, sonyń íshínde esírtkí taqyryby da qamtylǵan. Dáríger-narkologtardyń qatysuymen de kezdesuler ótken. Yaǵnı barlyq baǵyttar tolyq qamtyldy. Alaıda būl student atalǵan dárísterge qatysqanymen, tıístí qorytyndy jasamaǵan. Ókíníshtísí, eger adamnyń qylmystyq nıetí bolsa, ol ony qandaı da bír jolmen júzege asyruy múmkín eken. Psıhologıyada adamnyń 25 deńgeılí táuekel satysy bar ekení belgílí. Solardyń úsheuí sáıkes kelgen jaǵdaıda adam esírtkí qoldanuǵa nemese qylmys jasauǵa beıím boluy múmkín. Qazírgí uaqytta Almaty qalasynda narkoqylmystyń aldyn alu jóníndegí keńes jūmys ísteıdí. Ol byltyr sáuírde qūrylǵan, yaǵnı bír jyldan berí qyzmet etíp keledí. Keńes qūramynda qoǵam qaıratkerlerí, deputattar, blogerler jáne tanymal tūlǵalar bar, – dedí Dáuren Asqarūly.
Sondaı-aq, jıyn barysynda ūsynylyp otyrǵan jańa konstıtutsıyalyq ózgeríster boıynsha da talqylau jūmystary júrgízílíp, qatysushylar arasynda píkír almasu ūıymdastyryldy.
«Esírtkísíz bolashaq» taqyrybyndaǵy dóńgelek ústel – jastardyń densaulyǵyn qorǵauǵa, qūqyqtyq mádenıetín qalyptastyruǵa jáne qoǵamdaǵy zıyandy qūbylystardyń aldyn aluǵa baǵyttalǵan mańyzdy alań boldy.
