"Qauíptí júrgízushí" jedel-profılaktıkalyq ís-sharasy ayasynda patruldík polıtsıyanyń mamandandyrylǵan batalony qyzmetkerlerí 36 jastaǵy er adamnyń basqaruyndaǵy avtokólíktí toqtatty.
Tekserís barysynda júrgízushíníń saqtandyru polısí joq ekení belgílí boldy, - dep habarlaıdy Aqshamnews.kz.
Sonymen qatar onyń mínez-qūlqy ınspektorlar da kúmán tudyrdy, sondyqtan ol medıtsınalyq saraptamaǵa jíberíldí. Medıtsınalyq qorytyndyǵa sáıkes, er adamnyń esírtkílík mas kúıínde bolǵany anyqtaldy. Júrgízushíge qatysty ákímshílík ís-qūjattar toltyrylyp, sotqa joldandy. Avtokólík arnaıy aıyptūraǵyna qoıylyp, júrgízushí kólík basqaru qūqyǵynan shettetíldí.
– Mas kúıde kólík júrgízu – jol qauípsízdígíne tónetín eń auyr qaterdíń bírí. Mūndaı árbír júrgízushí aınalasyndaǵylardyń ómírí men densaulyǵyna naqty qauíp tóndíredí. Bízdíń qyzmetkerler kún saıyn kólíktí mas kúıínde basqaru derekterín anyqtaıdy jáne ár jaǵdaıda da qatań shara qoldanady. "Qauíptí júrgízushí" sekíldí profılaktıkalyq ís-sharalar – qaıǵyly oqıǵalardyń aldyn aluǵa baǵyttalǵan. Barlyq júrgízushílerdí jauapkershílík tanytuǵa shaqyramyz. Óıtkení rólge mas kúıínde otyrǵan adam tek óz ómírín ǵana emes, ózgelerdíń de ómírín qaterge tígedí, – dep atap óttí Almaty qalasy polıtsıya departamentíníń ákímshílík polıtsıya basqarmasynyń bastyǵy Serík Shumaev.