Almaty qalasynda "Quqyqtyq tártip" jedel-profılaktıkalyq is-sharasy aıasynda polısıa qyzmetkerleri esirtki quraldarynyń zańsyz aınalymyna qatysy bar degen kúdikpen birneshe tulǵany ustady, - dep habarlaıdy Aqshamnews.kz.
Jeke tintý barysynda ustalǵandardyń birinen - shetel azamatynan untaq tárizdi zat salynǵan birneshe oram tabylyp, tárkilendi. Saraptama qorytyndysyna sáıkes, alynǵan zattar tyıym salynǵan esirtki quraldary sanatyna jatady. Sonymen qatar kúdiktiniń "jasyryn qoıma" tásili arqyly júzege asyrylatyn yqtımal kýrerlik qyzmetke qatystylyǵy tekserilýde. Medısınalyq kýálandyrý nátıjesinde kúdiktiniń psıhoaktıvti zattardy tutynǵany anyqtaldy. Atalǵan derek boıynsha materıaldar sotqa deıingi tergep-tekserý tártibimen tirkelip, istiń barlyq mán-jaıy anyqtalýda.
- Biz esirtki taratýdyń joldaryn júıeli túrde anyqtap, kýrerlik jelilerge tartylǵan tulǵalardy áshkereleý jumystaryn turaqty túrde júrgizip kelemiz. Mundaı jedel is-sharalar úzdiksiz ótkiziledi jáne árbir anyqtalǵan derekke quqyqtyq baǵa beriledi. Almaty polısıasy qoǵamdyq qaýipsizdikti qamtamasyz etý jáne esirtki qylmysynyń aldyn alý baǵytyndaǵy jumystaryn jalǵastyra beredi, - dedi Almaty qalasy PD esirtki qylmysyna qarsy is-qımyl basqarmasynyń bastyǵy Murat Jumabaev.
Qazirgi ýaqytta tekserý jáne jedel-izdestirý is-sharalary jalǵasýda.