Halyqaralyq studentter kúníne oraı Almaty qalasynda «Almaty Students Week» aptalyǵy jáne «Jas Gala» jobasy ayasynda «Eń úzdík studenttík top – 2025» qalalyq baıqauy óttí.
Sharany Almaty qalasy Jastar sayasaty basqarmasynyń qoldauymen Almaty studentter Alyansy ūıymdastyrdy.
Baıqaudyń maqsaty – studentterdíń tūlǵalyq damuyn qoldau, azamattyq belsendílígín arttyru, ūjymdyq jauapkershílík pen shyǵarmashylyq orta qalyptastyru.
Jarysqa qaladaǵy 10 joǵary oqu ornynan úzdík dep tanylǵan 10 studenttík top qatysyp, ekí kezeń boıynsha baq synady:bírínshí kezeń – JOO tanystyru, jobalyq jūmys, áleumettík belsendílík, kreatıv;
ekínshí kezeń – óner kórsetu, ıntellektualdyq jáne shyǵarmashylyq tapsyrmalar.
Almaty studentter Alyansynyń tóraǵasy Aıbolat Nyǵmetjanūly qatysushylarǵa sáttílík tílep, jastardyń bírlígí men belsendílígíníń mańyzyn atap óttí.
Baıqau nátıjesí boıynsha:
Jalpy júlde qory – 1 000 000 teńge.
I oryn (500 000 tg):
«Shyraq» – Qazaq ūlttyq qyzdar pedagogıkalyq unıversıtetí
«AHEU jastary» – Almaty gumanıtarlyq ekonomıkalyq unıversıtetí
II oryn (300 000 tg):
«Shabyt» – Nūr-Múbarak unıversıtetí
«Smart generation» – Narhoz unıversıtetí
III oryn (200 000 tg):
«QGNT» – Abaı atyndaǵy QazŪPU
«Farabi NSO» – ál-Farabı atyndaǵy QazŪU
Shara kontserttík baǵdarlamamen jáne jeńímpazdardy marapattau rásímímen ayaqtaldy. Toptar alǵys hattar men qarjylaı sertıfıkattarǵa ıe boldy.
