Almatyda ekonomıka, tehnologıya jáne basqaru salalarynyń bolashaǵyn talqylauǵa arnalǵan halyqaralyq New Vision Forum 2026 forumy ótedí, – dep habarlaıdy aqshamnews.kz tílshísí.
Álemdík sarapshylar men bıznes kóshbasshylary Almatydaǵy New Vision Forum 2026 forumyna qatysady.
11-13 mausym aralyǵynda Almatyda ekonomıka, tehnologıya jáne basqaru salalarynyń bolashaǵyn talqylauǵa arnalǵan halyqaralyq New Vision Forum 2026 forumy ótedí. Auqymdy ís-sharaǵa bıznes ókílderí, memlekettík sektor mamandary, ınvestorlar men halyqaralyq sarapshylar qatysady.
Forum Almaty qalasy ákímdígíníń qoldauymen ūıymdastyrylady.
Kezdesu barysynda tehnologıyalyq transformatsıya, jasandy ıntellektíní damytu, ınvestıtsıya tartu, kóshbasshylyq jáne bıznestíń jańa ekonomıkalyq jaǵdaıǵa beıímdeluí sekíldí mańyzdy taqyryptar talqylanady.
«Búgínde ózgeríske jyldam beıímdelíp, ortaq maqsat tóńíregínde bíríge alatyn kompanıyalar ǵana tabysqa jetedí. Bíz myqty bıznes myqty oılau júıesínen, dūrys ortadan jáne ózgerís kezeńínde áreket etuge daıyn boludan bastalady dep senemíz», – dedí forumnyń negízín qalaushy árí bas dırektory Maqsat Kúrbenov.
Halyqaralyq spıkerler qatarynda Europalyq komıssıyanyń būrynǵy tóraǵasy Joze Manuel Barrozu, tsıfrlyq ekonomıka jóníndegí sarapshy Don Tepskott, Siri platformasynyń teń avtory Lyuk Julıya, sondaı-aq álemge tanymal «Erler Marstan, áıelder Sholpannan» bestselleríníń avtory Djon Greı bar.
Ís-sharaǵa qazaqstandyq memlekettík organdardyń ókílderí de qatysady. Atap aıtqanda, Tsıfrlyq damu, ınnovatsıyalar jáne aeroǵarysh ónerkásíbí mınıstrí Jasūlan Mádıev, Ǵylym jáne joǵary bílím mınıstrí Sayasat Nūrbek, sondaı-aq ūlttyq kompanıyalar men írí ūıymdardyń basshylary bar.
Qazaqstandyq bıznes qauymdastyǵy atynan Aıdyn Rahymbaev, Qanat Kópbaev, Tımur Kárímbaev, Berík Qanıev jáne Gauhar Qapparova sóz sóıleıdí.
Baǵdarlama ayasynda plenarlyq otyrystar, taqyryptyq sessıyalar, sheberdíń sabaqtary, tabysty keısterdíń tanystyrylymdary, ınvestorlarmen kezdesu jáne tehnologıyalyq sheshímder kórmesí ótedí.