Almaty qalasynda jol qozǵalysy erejelerin óreskel buzýshylardy anyqtap, olardyń áreketteriniń aldyn alý maqsatynda júıeli jumystar jalǵasyp jatyr.
Bul sharalar jarıalanǵan "Profılaktıka jyly" aıasynda jol qaýipsizdigin qamtamasyz etýge baǵyttalǵan. "Sergek" beınebaqylaý júıesi arqyly ońtústik baǵyttaǵy Qulja tas jolynyń Rysqulov kóshesimen qıylysynda jol qozǵalysy erejelerin óreskel buzý deregi tirkeldi, dep habarlaıdy aqshamnews.kz Polisia.kz-ke silteme jasap.
Atap aıtqanda, BMW kólik júrgizýshisi qaýipti manevr jasap, drıft elementterin oryndaý arqyly apattyq jaǵdaı týǵyzǵan. Polıseıler júrgizýshiniń jeke basyn shuǵyl anyqtap, ony jaýapkershilikke tartty. 21 jastaǵy azamatqa qatysty manevr jasaý erejelerin buzý, tótenshe jaǵdaı týǵyzý jáne usaq buzaqylyq faktileri boıynsha ákimshilik hattamalar toltyryldy. Sot sheshimimen ol 10 táýlikke ákimshilik qamaýǵa alyndy.
– Árbir júrgizýshi qalamyzdyń kósheleri – jarys alańy emes ekenin túsinýi tıis. Mundaı jaýapsyz áreketter tek zań buzýshylyq bolyp qana qoımaı, aınaladaǵy adamdardyń ómiri men densaýlyǵyna zor qaýip tóndiredi. Bizdiń mindetimiz – quqyq buzýshylyqtyń aldyn alyp, qoǵamdyq tártip pen jol qaýipsizdigin saqtaý. Erejeni elemegen árbir azamat zań aldynda jaýap beretin bolady, - dedi Almaty qalalyq polısıa departamentiniń jergilikti polısıa qyzmeti basqarmasynyń bastyǵy Serik Shýmaev.
Bul jaǵdaı – qalada jol qozǵalysy mádenıetin arttyrý jáne tártipsizdiktiń aldyn alý baǵytyndaǵy sharalardyń ózektiligin taǵy bir ret dáleldep otyr.