Almatyda byltyr 17 myńnan astam kásípkerdíń qūqyǵy qorǵalyp, qalpyna keltírílgen qarjy kólemí 4,9 mlrd teńgeden asyp tústí. Óńírlík kommunıkatsıyalar qyzmetínde Almatydaǵy Kásípkerler palatasynyń kásípkerlerdíń qūqyqtaryn qorǵau men ákímshílík kedergílerdí azaıtu bólímíníń basshysy Erkebūlan Beıímbet osylaı dedí. Jūmys negízínen zańbūzushylyqty joıyp, bızneske ákímshílík qysymdy tómendetudí kózdegen, – dep habarlaıdy aqshamnews.kz tílshísí.
Onyń aıtuynsha, bír jyl íshínde Keńestíń 14 otyrysy ótíp, onda 33 másele qaralyp, onyń 21-í sheshímín tauypty. Būl byltyrǵydan 40%-ǵa artyq. 109 zańsyz nūsqama men 264 profılaktıkalyq baqylau nátıjesí joıylyp, 80 lauazymdy tūlǵa jauapqa tartylǵan. Sotta 6 ís qaralyp, 48 mln teńge somasynda 8 kásípkerdíń qūqyǵy qorǵalyp, 4 ákímshílík ís toqtatylǵan eken.
«Bíz barlyq negízgí kórsetkísh boıynsha oń ózgerís baıqap otyrmyz. Qorǵalǵan qūqyqtyń sany da artyp, qaıtqan qarajattyń kólemí de ūlǵaıyp barady. Būl kásípkerlerdíń óz múddesín batylyraq qorǵaı bastaǵanynyń belgísí. Bízdíń míndet — olardy qoldaudy kúsheıtíp, júıelí ózgeríske qol jetkízu», — dep atap óttí Erkebūlan Beıímbet baspasóz konferentsıyasynda.
Bıylǵy bírínshí toqsanda Keńestíń 5 otyrysy ótíp, 13 másele qaralsa, onyń 8-í sheshílgen. Osy kezeńde 2049 kásípkerdíń qūqyǵy 1,3 mlrd teńgeden astam somaǵa qorǵaldy, 571 zańsyz ókímníń kúshí joıylyp, 4 lauazymdy tūlǵa jauapkershílíkke tartyldy.
«Bíz salyq organdarynyń áreketíne baılanysty ótíníshterge erekshe nazar audaramyz. Qūjatty negízsíz talap etíp, shotty būǵattap, zań būzbasa da habarlama jíbergen bírneshe derek anyqtaldy. Mūndaı áreket bıznestíń ayaǵyna tūsau bolady. Osyndaı ár íske qūqyqtyq baǵa beríp, kásípkerdíń qūqyǵyn qalpyna keltíruge qol jetkízemíz», — dep tolyqtyrdy spıker.
Palatanyń jūmysynda bírneshe keıs qaraldy. Olar salyq organynyń zańsyz habarlamasy men talabyna, kásípkerlerge qarajatty qaıtaruǵa, shotty būǵattau, memlekettík satyp alu kezíndegí máselelerge, sonyń íshínde kepíldík jarnanyń qaıtarylmauy men kelísímshart talabynyń saqtalmauyna qatysty bolǵan. Arasynda memlekettík granttar boıynsha kelísímsharttardaǵy qaıshylyqtarǵa, bıznestí tekseru kezíndegí zańbūzushylyqqa, syrtqy jarnama máselesí men qoldau sharalaryn bóludegí tańdamaly tásílge baılanysty jekelegen ótíníshter de bolypty.
Aıta ketu kerek, bíraz keıs boıynsha naqty nátıjege qol jettí: kásípkerlerge qomaqty qarajat qaıtarylyp, zańsyz sheshímníń kúshí joıylyp, keıbír másele prokuraturanyń baqylauyna alyndy. Almatyda ákímshílík kedergílerdí azaıtu men bıznestí qorǵau jūmysy jalǵasa bermek.