Jetísu oblysynyń prokuraturasy Investorlardyń qūqyqtaryn qorǵau komıtetíníń úılestíruímen, "Halyqaralyq shekara mańy yntymaqtastyǵy ortalyǵy "Qorǵas" basqarushy kompanıyasynyń qyzmetínde óreskel zań būzushylyqtardy anyqtady, – dep habarlaıdy aqshamnews.kz tílshísí.
Ekí jyl boıy jalpy somasy 70 mlrd teńgeden asatyn jobalardy júzege asyryp jatqan 19 ınvestorǵa su jetkízu tarıfterín esepteu kezínde qosylǵan qūn salyǵy zańsyz túrde eseptelgen.
Alaıda Salyq kodeksíne sáıkes, AEA aumaǵyndaǵy qyzmet QQS-tan bosatylady. Soǵan qaramastan, zań talaptary júıelí túrde eskerílmegen.
Nátıjesínde ınvestorlar negízsíz qarjylyq shyǵyndarǵa ūshyrap, bıznes úshín jasandy kedergíler qalyptasqan.
Prokurorlyq qadaǵalau aktísí negízínde barlyq zańbūzushylyq tolyq joıyldy. Investorlarǵa zańsyz óndírílgen 1 mln teńge kólemíndegí qarajat qaıtarylyp, kínálí tūlǵalar jauapkershílíkke tartyldy.
Jetísu oblysynyń prokuraturasy ınvestorlarǵa qysym kórsetu men olardyń qūqyqtaryn būzudyń kez kelgen áreketíníń joly kesíletínín atap óttí.
Jetísu oblysynyń prokuraturasy ákímshílík kedergílerge tap bolǵan ınvestorlardy 8 (771) 131 04 44 telefony nemese 115 Call-ortalyǵy arqyly habarlasuǵa shaqyrady.
"Qorǵastaǵy" 2 jylǵa sozylǵan zańsyz esepteuler: prokuratura 19 ınvestordy qorǵap, bızneske qarjysyn qaıtardy
