Almatyda qala ákímí Darhan Satybaldynyń tóraǵalyǵymen ótken jūmys keńesínde qalalyq ortany jaqsartu jáne kóríktendíru máselelerí qaraldy, – dep habarlaıdy aqshamnews.kz tílshísí.
Jıyn barysynda aumaqtardy sanıtarlyq tazalau, qalalyq ınfraqūrylymdy boyau jáne ákteu, kósheler men qoǵamdyq keńístíkterdí kútíp ūstau, sondaı-aq jūmystardyń oryndaluyna baqylaudy kúsheıtu jaıy talqylandy.
«Taza Qazaqstan» baǵdarlamasy ayasynda barlyq qyzmettíń úılesímdí jūmys ísteuí mańyzdy ekení aıtyldy. Osy maqsatta 1 sáuírden bastap qalada «Bír audan — bír merdíger» qaǵıdaty engízílíp, merdíger ūıymdardyń jauapkershílígí kúsheıtíldí.
Qalada aǵashtardy sanıtarlyq maqsatta kesu, kóshe jıhazdary men ayaldamalardy jańartu, ınfraqūrylymdy jóndeu, sondaı-aq aryq júıesín su tasqyny kezeńíne daıyndau jūmystary jalǵasyp jatyr.
Sonymen qatar, jūmystardyń oryndaluyn jáne tehnıkanyń qozǵalys baǵytyn naqty uaqyt rejımínde baqylauǵa múmkíndík beretín tsıfrlyq sheshímderdí engízu máselesí qarastyrylyp jatyr.
2026 jyldyń mamyrdan bastap «Qala tazalyǵy — ortaq jauapkershílík» (Responsible City) baǵdarlamasy íske qosylady. Onyń maqsaty — qala tazalyǵyn arttyryp, ekologıyalyq mádenıettí qalyptastyru.
Osy joba ayasynda Qoǵamdyq keńes janynan qalalyq komıssıya qūrylady. Mamyr men qyrkúıek aralyǵynda kóshpelí tekseruler, tsıfrlyq esepke alu jáne audandar, nysandar men bıznes subektíleríníń reıtıngísín qalyptastyru arqyly monıtorıng júrgízíledí.
Baǵdarlama aulany kóríktendírudí, kíreberísterdí kútíp ūstaudy, kóshelerdí bızneske bekítíp beru, ekologıyalyq baqylaudy kúsheıtu jáne tūrǵyndardy tartudy qamtıdy. Keńes sońynda úzdík audan anyqtalyp, nátıje ákímdíkterdíń jūmysyn baǵalauda eskerílíp, tıímdí tájírıbelerdí taratuǵa negíz bolady.