Almatyda qysta qala tūrǵyndary úshín bírneshe tegín mūz aıdyndary ashyldy. Olardyń mekenjaıy qandaı? Qalaı baruǵa bolady? Tolyǵyraq Aqshamnews.kz materıalynda.
Qaı jerde ashylady?
Ákímdík málímetínshe, tegín mūz aıdyndary myna lokatsıyalarda ūıymdastyrylmaq:
- Alatau audany – "Almaty Arena" mūz keshení
- Bostandyq audany – Tūńǵysh Prezıdent sayabaǵy
- Bostandyq audany – Nazarbaev dańǵylynyń batysynda, Gandı kóshesíníń soltústígínde ornalasqan skver
- Medeu audany – Respublıka saraıy
- Medeu audany – "Halyq Arena" mūz keshení
- Medeu audany – 28 gvardıyashy-panfılovshylar sayabaǵy
- Nauryzbaı audany – audan ákímdígí aumaǵy
- Túrksíb audany – Seıfullın atyndaǵy park
- Jetísu audany – "Kokjiek Garden" parkí
- Jetísu audany – "Gúlder" parkí
- Almaly audany – QBTU avtotūraǵy
Qashan ashylady?
Alańdar aua raıy mınus gradusqa tūraqty túskennen keıín, jeltoqsannyń ortasyna qaraı, jūmystary ayaqtalǵannan keıín kezeń-kezeńímen ashylady.
Ákímdík málímetínshe, 6 orynda mūz qūyu jūmysy bastalyp, qalǵan nysandarda qajet daıyndyq sharalary júrgízílíp jatyr.
Qaıta-qaıta baruǵa bolady ma?
Iá, kíru tegín, al kelushíler óz konkıín ákeluge nemese alań janyndaǵy jalǵa beru punktterínen aluǵa bolady (jaldau qūny bólek tólenedí).
Almaty ákímdígí ne deıdí?
Qala ákímdígí tūrǵyndarǵa qauípsíz árí otbasylyq demalys ūsynudy maqsat etedí.
"Qalalyq qyzmetter mūzdy sapaly qūyu jáne tūrǵyndardyń jaıly demaluyn qamtamasyz etu úshín kúsheıtílgen rejımde jūmys ístep jatyr", – delíngen habarlamada.